Ensanche 21eko Alde Zaharreko hiru eraikin okupatu dituzte Gasteizen

  • Eraikinek sei urte hutsik daramatzatela eta Ensanche 21 elkarte publikoaren azken urteotako hirigintza plana salatu dituzte etxebizitzak okupatu dituzten lagunek.

Hala Bedi @halabedi
2017ko maiatzaren 02a
(Argazkia: Hala Bedi irratia).

Hala Bedi irratiak jaso duen ohar baten bidez auzokide berriek azaldu dutenez, badira sei urte udalak Gasteizko Alde Zaharreko hiru etxebizitza bloke berritzeko proiektua amaitu zuenetik. Ensanche 21en hirigintza planaren barruan, gazteei bideratutako hamabi etxe aurreikusten ziren eraikin hauetan -400 hiri osoan-, "gaur arte erabili gabe egon direnak". Udal talde ezberdinen "utzikeria eta gazteonganako arduragabekeria" salatu dute auzokide berriek Hala Bedi irratira bidalitako oharrean, eta gazteei zuzenduak ziren etxebizitzak hutsik ikusi ostean, okupazioaren bitartez "gure kabuz gureak egiteko" hautua egin dute.

Erakundeen eta Ensanche 21en "gentrifikazio politikak" salatu dituzte gazteek. Haien ustez, Gasteizko mapa urbanistikoan "zatiketa soziala" areagotuz eta Alde Zaharra "eskaparate bilakatuz", bertako auzokideak alde egitera bultzatzen dituen etxebizitza arazoaren arduradun zuzenak dira. Aldi berean, "sei urteko blokeoa eta zorra oraindik azaldu ez dituen" Ensanche 21 elkarte publikoak "etxebizitzak 2.290 euro/m2-ko prezioan" saldu nahi dituela salatu du ustelkeriaren kontrako ADI! elkarteak. Gainera, elkarteak azaldu duenez, Ensanche 21ek 111,5 milioi euro zituen kutxan Marotok hartu zuenean alkatetza; legealdia bukatuta, 20 milioi euroko zorra.

Oharraren arabera, apirilaren 25ean, udaltzaingoa Pintore kaleko 20. zenbakira joan zen, "bortizkeriaz eta legez kanpoko" identifikazioak lortu nahian eta bizilagunen "ondasun materialak apurtuz eta lapurtuz". Salatu dutenez, "kasualitatez", okupazioa eman eta egun gutxitara etorri dira "sei urtez blokeaturik" izandako gai honen inguruko lehenengo berriak: hasieran, poliziaren bisita, eta horrekin batera, etxebizitzak zozketatuko dituztela dioten albisteak, hedabide ezberdinen arabera.

Errekaleor Bizirik auzoan edota hiriko beste lekuetan loratzen ari den okupazio uholdearen urrats berri bat iritsi da Gasteizko Alde Zaharrera. Oharrean salatutako guztiaren aurrean "okupazioa tresna eraginkorrena" dela azpimarratu dute, baliabide ekonomiko nahikorik ez duten gazteen etxebizitza eskubidea bermatzeko eta bizitza eredu berri bateruntz bidea egiteko.

Albiste hau Hala Bedik argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Okupazioa  |  Gasteiz  |  Hirigintza

Okupazioa kanaletik interesatuko zaizu...
Okupatu Gasteiz Egunaren antolatzaileek: "Ukatzeko arrazoi bakarra izena da".

Okupatu Gasteizeko kideek Okupatu Gasteiz Egunera gerturatzeko deia mantendu dute, debekua “zentsura politikotzat” jo eta Gasteizko Udalaren jarrera salatu dute.


Kazetari bat hil da Alemaniako Hambach basoan, polizia ekintzaileak botatzen saiatzen ari zela

Steffen M. zuen izena eta asteak zeramatzan Alemaniako Ipar Renania-Westfalia eskualdean dagoen Hambach basoko erresistentziaren berri ematen. Polizia basoa husten saiatzen ari da orain bi astetik, ikatz harrobi erraldoi bat zabaldu eta zuhaitzak moztu egin nahi baitu RWE enpresak. Ekintzaileek zuhaitzetan etxeak eginak dituzte eta desobedientzia zibila praktikan jarriz, bertan jarraitzen dute. Kazetari eta blogaria, altuera handi batetik erorita hil da.


2018-09-19 | ARGIA
OkupaTU Gasteiz Eguna debekatu du Gasteizko Udalak

“Zentsura politikoa” salatu dute OkupaTU Gasteiz Eguneko antolatzaileek, jaiaren plangintza tekniko guztia behar bezala zegoela eta baimenak iaztik onartuak zituztela arrazoituz. Gasteizko hainbat herri-eragileren urteurrenak aprobetxatuz, jai bateratua prest zuten urriaren 6rako Hala Bedi (35 urte), Gaztetxea (30 urte), Auzolana (10 urte) eta Errekaleorrek (5 urte). Hala Bedin jaso dutenez, datozen egunetan azalpen gehiago emango dituztela eta urriaren 6an OkupaTU Gasteiz Eguna... [+]


2018-09-17 | Hala Bedi
'Errebeldiaren mapa' aldarrikatuko du Errekaleorrek bostgarren urteurrenean

5 urtez errebeldiaren mapan lemapean bostgarren urteurrena ospatuko dute errekaleortarrek irailaren 28an eta 29an. Astebete beranduago, urteurren bateratua: OkupaTU Gasteiz.


Gaztetxearen gainean

Aldaketaren aroa hastearekin batera berpizten hasi zen okupazioaren mugimendua Iruñean, UPNkoen azken urteetan ia hilik egon ondoren. Kontua da hiru urteotan inoiz ez bezalako bideak zabaldu eta sos ederrak gastatu dituela Iruñeko Udalak udal jabetzapeko tokiak gazteei nahiz gizarte taldeei uzteko (Mendillorrin, Txantrean). Iruñeko Alde Zaharrean bertan ere, ia hiru urteko prozesu ireki eta luzearen ondoren, Plazara ekimena gauzatu da, karrika Nagusiko Cruzat jauregi handia... [+]


2018-09-13 | Amaia Lekunberri
Hambacheko basoa husten saiatzen ari da Alemaniako polizia

Irailaren 6an basoa hustu asmoz egindako esku hartzearekin, poliziak ez zuen lortu eremua hustea. Astebeteren ostean, xede berberarekin bueltatu eta jendea kanporatzeari ekin diote.


2018-09-12 | Hamaika Telebista
Aldaketaren alderdietan arrakalak eragin dituzte Maravillas gaztetxearen inguruko gertaerek
MULTIMEDIA - erreportajea

Gaztetxeen loraldi bat eman da azkenaldia Nafarroan. Iruñeko Alde Zaharreko Maravillasekin batera, Arrotxapean, Tafallan, Lizarran, Burlatan, Berriozarren edota Mendillorrin sortu dituzte gaztetxeak. Horietako gehienetan, Udalekin egindako akordioei esker aurrera atera dira proiektuak. Maravillas gaztetxearen inguruko gertaerek, Gobernua sostengatzen duen laukoan arrakalak eragin ditu.


2018-09-12 | Xabier Letona
Maravillas Gaztetxeari oroimen historikoa manipulatzea leporatu diote 50 lagunek

Oroimen historikoaren alorrean lanean ari diren hainbat pertsonak eta 36ko Gerran fusilatutakoen hainbat senitartekok "Oroimen historikoaren aldeko eta manipulazioaren aurkako manifestua" sinatu dute. Idazkia Iruñeko Maravillas gaztetxeak irailaren 27ko Gudari Eguna dela-eta antolatutako ekitaldien harira etorri da.


2018-09-11 | Amaia Lekunberri
Estrasburgoko ZAD gunea hustu du Frantziako poliziak

Astelehen goizaldean eta istilu ugari tarteko, jendarmeek jendea kanporatu dute Kolbsheim-eko (Frantzia) basoan dagoen ZAD gunetik.


2018-09-11 | LAB sindikatua
Udaleko LABeko Sail Sindikala eta Orixe eraikinaren okupazioa

Parte Zaharreko gazteek joan den larunbatean bideratu zuten Orixe Ikastolaren eraikin zaharraren okupazioa dela eta, Donostiako LABeko Sail Sindikalak honakoa adierazi nahi du.


Azkenak
EGILEA
Eguneraketa berriak daude