Elkarri egindako bertsioekin ospatuko dute 10 urteko ibilbidea Bidehutseko musikariek

  • Hamar urte bete ditu Bidehutsek eta ospakizun berezia prestatu dute abenduaren 16an Donostiako Intxaurrondo kutur etxean: kontzertu kolektibo bat izango da, Mirailak diskoaren zuzeneko aurkezpena.

Gorka Bereziartua Mitxelena @gorka_bm
2017ko azaroaren 15a

Bidehutsen eskutik diskoak argitaratu dituzten musikarien emanaldia iragartzeko kartelean "Gure arteko begirada zeharkakoak" irakur daiteke, hori baita Mirailak lan kolektiboaren espiritua: musikariek elkarri egindako bertsioek osatzen dute.

Intxaurrondoko oholtzan entzun ahal izango dira Anari, Audience, Joseba Irazoki, aspaldian zuzenean aritu ez den Lisabö, Mursego, Nire, Sacco, Jupiter Jon eta Inoren Ero Ni.

Donostia Kulturaren webgunearen bidez eros daitezke sarrerak 10,90 euroko prezioan. Donostiakoa izango da disko honen zuzeneko aurkezpen bakarra.

Lisabö, Inoren Ero Ni, Hotel eta Anari taldeek hasitako proiektua izan zen Bidehuts duela 10 urte. Berehala batu ziren musikari gehiago egitasmora eta hamarkada batean 41 diskoko katalogoa osatu dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Bidehuts

Bidehuts kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Pribatutasun politika irakurri dut eta onartzen dut
Eguneraketa berriak daude