ARGIAra bidali duten oharrean azaldu dutenez, Frantziako Estatuak FIJAIT fitxategia sortu zuen 2015ean, Parisen izandako atentatuen ondotik. "Hortik aitzina, terrorismo kalifikazioarekin kondenatuak izan diren pertsona guziak, erretroaktiboki bertan sartuak izan dira hamar urterentzat". Zeure izena fitxategian izateak, persona horiek betebehar zorrotz batzuen eraginpean ezartzen ditu: hiru hilabetero helbidearen justifikatzeko beharra komisaldegian edo atzerrira bidaiatzeko asmoa adierazi hamabost egun aitzin, besteak beste.

Baldintza horiek ez onartzeagatik izan da epaitua Irigoien eta martxoaren 12an emanen du erabakia epaitegiak. "FIJAIT fitxategiaren barne izaitea, onartezina den bigarren kondena bat dela pentsatzen dugu, zainketa errexten dituzten baldintza gogor batzuk betetzera bortxatzen dituelako. Behin kondena beteta, epaiketa berririk gabe eta erretroaktiboki gehituak diren betebeharrak direlako, beste moduko askatasun murrizte hori fermuki salatzen dugu".

"Peiori eta egoera jasanezin horren aitzinean" intsumisioa erakutsiko duten pertsona guziei sustengua emanen diete.

150 preso eta preso ohiri eragiten die neurriak

Aipatu Fijait fitxategietan euskal herritar ugari daude, nahiz eta batzuek ez jakin ere zerrendan direla, orain gutxi Paulus-Basurco abokatuak salatu gisan. Fitxategien erregistroak 20 urteko iraupena du.