Ekonomia solidarioaren kongresua Bilbon: "Iritsi da hedatzeko ordua"

  • Azaroaren 10etik 12ra ekonomia sozial solidarioaren bueltan dabiltzan eragileek eredu kapitalistaren aurrean dauden alternatibak aztertuko dituzte, gurean gero eta esangura eraldatzaileagoa hartzen ari den sare honetan.

Urko Apaolaza Avila @urkoapaolaza
2016ko azaroaren 10a

REAS-Euskadi sareak antolatuta Ekonomia Sozial Solidarioaren II. Kongresua egiten ari dira Bilboko Bizkaia Aretoan, Ekonomia eraldatzeko garaia da! lelopean. Esparru ekonomiko horretan dabiltzan eragile, elkarte eta sareak indartzeko “funtsezko” ekitaldia dela azaldu dute.

Hiru egunez mintegiak, esperientzien kontakizunak eta hitzaldiak izango dira nonahi (egitaraua). Europan ekonomia sozialaren arloan prestigio handienetakoa duen Jean Louis Laville katedradunak hitz egingo du esaterako,Parisko CNAMeko eta Karl Polanyi institutuko kidea. Eta Hego Amerikako, bereziki Ekuadorreko, buen vivir kontzeptuan sakondu duen Magdalena León ere ariko da, besteak beste.

Kongresuan ekonomia sozial solidarioak etorkizunean izan beharko lituzkeen ardatzak zehazteko saioa egingo da: feminismoa, ondasun komunak, inklusibitatea, trantsizio energetikoa…

Ekonomia solidarioa, artatze zerbitzuetatik harago, esangura gero eta eraldatzaileagoa ari da hartzen gurean, ez da kasualitatea aurtengo kongresuaren helburuetako bat izatea “sistema kapitalistaren aurrean alternatiba errealak bilatzea”.

Ekitaldiak sare sozialetan jarraitzeko #ESSkongresua traola ari dira erabiltzen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ekonomia soziala  |  Ekonomia eraldatzailea

Ekonomia soziala kanaletik interesatuko zaizu...
Doughnutaren ekonomia

Doughnut esanda, Simpson zaleek  Homer edo Wiggum polizia ikusiko dituzte erroskillak irensten. Telesail eta film estatubatuarretan oso errepikakorra da donutsa, alferkeria eta sabel borobilduaren irudia.

Kate Raworth ekonomialariak irudi honekin apurtu du ustekabean. Berariaz, ekonomia neoliberalaren irudi klasikoa irauli du: etengabeko Barne Produktu Gordinaren (BPG) hazkundea irudikatzen duen goranzko grafikoa borobildu egin du, donuts itxura emanaz. Oxford Unibertsitatean irakasle... [+]


2018-10-19 | I˝igo Igartua
Abaigarko euskal udalekuetako egoitza eraberritzeko abalisten bila ari dira

Proiektuko kideek bilera antolatu dute ostiral honetarako urriak 19, Hernaniko Biteri kultur etxean. Bertan, abalista berri posibleei eraberritze lanen inguruko informazioa eskainiko zaie.


2018-10-04 | ARGIA
Alternatiba Tourra Donostian: Baiona helmuga, klimaren alde bizkortzea helburu

Urriaren 5ean, ostiralarekin, Donostiatik igaroko da Alternatiba Tourra. Ekainaren 9an Parisen hasi eta 5.800 kilometro egin ondoren Baionan asteburuan amaituko den bizikleta itzuliak klimaren aldeko bizkortzea du helburu, eta horretarako ekonomia eraldatzailea ezinbesteko dela diote ekimenaren sustatzaileek.


Here to stay! Etxebizitza eskubide

Oporraldi garaia bururatu eta, hara jo eta ke berriz lanean eta katzakan aritzeko garaia etorria dela. Aktualitatea ikusiz, nehoiz baino erneago jokatu beharra daukagu. Besteak beste, etxebizitzaren gaia aipatu gogo nuke hemen. Joan den udan, Chairecoop ikerketa tresna ezagutzeko parada ukan genuen Baxenabarren: hori da nazioarteko erakundea, Etxebizitza Kooperatiboa eta Giza Kooperazioaz gogoetatzen laguntzen duena. Hainbat egitura, gobernuz kanpoko erakunde eta unibertsitatek sostengatzen... [+]


2018-09-11 | Nahia Ibarzabal
Herri Ekonomi Alternatiboaren Nazioarteko Topaketak egingo dituzte Bilbon

REAS-Euskadi eta Bakea eta Duintasuna-OMAL erakundeek eta EHUko Parte Hartuz Amerika Latina ikerketa taldeak topaketak antolatu dituzte urriaren 5ean eta 6an Bilboko Zirika gunean. Trantsiziozko alternatibak herri-ekonomi baterantz ikastaroaren testuinguruan barneratzen da.


Izaba eta Gares:
Urrats aitzindariak energia burujabetzaren bidean

Energia eredu berriak lortzeko ezinbestekoak dira tokian tokiko proiektu txikiak, eta horiek geroz eta ugariagoak dira Euskal Herrian. Oraingoan, Izabako Udalak pausu garrantzitsua eman du: udal merkaturatzailea sortu du, energiaren produkzioa, garraioa eta merkaturatzea eskuratuz. Asko dira eredu horretatik ikasi nahi dutenak.


2018-07-27 | Ivan Mirˇ
Burujabetza ekonomikorik gabe ez dago burujabetza politikorik

Apirilaren 14an egin zen Bartzelonan lehen Ekonomia Errepublikarreko Laborategia, Altxa Dezagun Errepublika prozesuaren baitan. La Lleialtat Santsenca kooperatiba obrero zaharrean, ehundik gora aktibista elkartu ziren, errepublika gauzatzeko 155 neurri ekonomiko proposatzeko.


REAS, Olatukoop, Koop57, Katakrak eta Argia: Alternatibak Puntuka
MULTIMEDIA - solasaldia

Reas Euskadiko Marian Díez, ARGIAko Estitxu Eizagirre, Olatukoop eta Koop57ko Amaia Oleaga eta Katakrak eta Alternatiben Herriko Maitane Unzu, puntuka erantzuten jarri zituen Naroa Elortza gai jartzaileak "Ekonomia sozial eraldatzailea eta burujabetza(k)" mintegian Gasteizen ekainaren 22an.


Eguneraketa berriak daude