Nafarroako Memoriaren Institutuak sustatutako ikerketa du oinarri liburu honek. Bertan jasotzen da kontzientzia eragozpenaren mugimenduak Nafarroan izan zituen genesia eta garapena.

Liburuak hamabi kapitulutan, gai hauek aztertzen ditu: lehen sei kapituluek azaltzen dute 60ko hamarkadan nola izan zen kontzientzia eragozpenaren sorrera eta eman zituzten lehen urratsak, non egiten zituzten bilkurak eta nola joan zen antolaketa estatuko gainerako taldeekin koordinatzen, MOC siglen inguruan. Hurrengo sei kapituluek azaltzen dute nola joan zen mugimenduaren oinarria zabaltzen, nola batu zen ezkerra eta nola joan ziren tokian tokiko taldeak sortzen, adibidez, Sakanako Talde Antimilitarista. Liburuak intsumisioaren ateetan uzten du kontakizuna, zeina nagusi izango zen 90ko hamarkadetan.

Kontzientzia Eragozpenaren eta Intsumisioaren Artxibo Historikoa

Liburuaren oinarrian dagoen ikerketa Pedro Oliverrek berak eta Bruno Lópezek egin dute eta liburuaz gain, beste emaitzarik ere ekarri dute. Nafarroako Kontzientzia Eragozpen eta Intsumisioaren Mugimenduen Artxibo Historikoa sortzea, adibidez (webgunea honetan dago erabilgarri). Horrez gain, mugimendu honen ahozko memoria ere kontsultatu daiteke webgune honetan, zeinak biltzen dituen elkarrizketa kolektiboak.