Eibarren kirol-hiri berria Mallabian eraikiko da

  • Administrazio kontseiluak defendatu duen Areitioko aukera nabarmen gailendu zaio Azitaingoari (Eibar), akziodunen botoen bikoitza lortuta.

Iņigo Igartua @igartua19
2018ko urriaren 25a
Areitio (Mallabia) gainean eraikiko den kirol-hiriaren proiektua. Argazkia: @SDEibar

2020. urtetik aurrera Eibar futbol taldearen kirol instalakuntzak Ipurua futbol zelaitik lau kilometrotara dagoen Bizkaiko Mallabia herrian kokatuko dira.

Azken asteetan herrian eztabaida sortu duen gaia izanik, Amaia Gorostiza presidenteak adierazi du eibartar bezala Eibarren egitea nahiago zutela, baina klubaren intereserako aukerarik onena ez dela.

81.309 metro karratuk osatuko duten kirol-hiri berriak lau futbol zelai izango ditu; bi belar naturalekoak eta beste bi belar artifizialekoak. Etorkizunean beharrik izanez gero, bosgarren zelai bat eraikitzeko aukera ere izango litzateke.

Aurreikuspenen arabera, lanek 20 hilabeteko luzapena eta 16 milioi euroko kostua izango dute, Eibarrek inoiz egin duen inbertsiorik handiena. Kirol-hiria azken urteetako aurrezkiekin ordainduko dela eta zorpetzeko arriskurik ez dagoela azpimarratu dute klubetik.

Instalakuntza berriekin urtean 300.000 euroko irabaziak izatea espero du administrazio kontseiluak.

“Inflexio puntua”

Eibarrek historian lehendabizikoz jabetzan izango ditu kirol instalakuntzak.

Amaia Gorostiza presidentearen hitzetan “Eibarrentzat egun historikoa da, behar-beharrezko ditugun instalakuntzak izango ditugu eta klubaren barnean inflexio puntu bat markatuko du”.

Eibarko herriaren sentimendua nagusiki kirol-hiria Bizkaiko lurretara eramatearen kontrakoa bada ere, administrazio kontseiluak denbora luzez jarraitu duen ametsa egi bihurtuko da.

Informazio gehiago

Proiektuaren bideoa (Mundo Deportivo)

 

 

 
 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Eibar KE  |  Eibar

Eibar KE kanaletik interesatuko zaizu...
2018-08-01 | ARGIA
Haserrea sarean Athleticek eta Eibarrek babesle ofizial apustu etxe bat izendatu ostean

Athletic eta Eibar futbol taldeek asteazkenean jakinarazi dute apustu etxe bat izango dela denboraldi honetan babesle ofizial bat. Haserrea eragin du erabakiak eta sarean erantzunak berehalakoak izan dira.


2018-06-08 | ARGIA
Eibarko futbolariek grabatu eta hedatutako sexu edukidun bideoaren gaineko auzia aurrera doa

Sergi Enrich, Antonio Luna eta Eddy Silvestre dira auzipetutako futbolariak. Enrich da egun Eibarren jarraitzen duen bakarra, beste biek utzita dute taldea.


2017-02-10 | ARGIA
Eibar futbol taldeak eredu izan nahi du euskararen erabileran

Mikel Larrañaga presidenteordeak esan duenez, lehen hitza euskaraz egiteko garaia iritsi da. Emun Aholkularitzarekin batera Euskara Plana aurkeztu du klubak.


2016-08-19 | Rayco Sanchez
Euskal derbietan sarrera merkeagoak eskatu dituzte zaleek

Aurten bost Euskal talde izango dira Espainiako Ligan lehenengo aldiz. Tamalez, errekor hori ez da bakarra, eta txarrerako mugak hausten ari gara. Azkenengo Euskal Derbietan sarreren prezioek gora eta gora egin baitute, Athletic vs Reala Championseko finala bailitzan.


Euskara erakargarri? Garitanok bezala eginda bai

Segundo gutxi batzuk eta keinu bat, prentsaurrekoa uztea, nahiko izan ditu Eibar taldeko entrenatzaileak euskara “erakargarriaren” inguruan azken urteotan eraiki den diskurtsoa hankaz gora jartzeko.


2015-04-27 | ARGIA
Kazetariek bazekiten Garitanok euskaraz egingo zuela hasieran

Almeriako futbol taldea jarraitzen duten kazetariek bazekiten Garitano Eibarko entrenatzaileak euskaraz egingo zuela hasieran. Hala ere, keinuka hasi ziren. Entrenatzaileak prentsa aretoa utzi zuen.


2015-04-27 | Jon Torner Zabala
Garitano - erreakzioak
#MileskerGaritano #JeSuisGaritano

Eibarko entrenatzaileak euskarari errespetu faltagatik prentsa aretoa utzi ondoren erreakzioak orotarikoak izan dira. Garitanori babesa azaldu dio askok –biba zu!–, eta kritikatu egin dute besteek. Twitter oinarri hartuta, erreakzioetako batzuk biltzen joango gara hemen.


2015-01-18 | Sustrai Colina
Gaizka Garitano
"Izugarri gustatzen zait dirua desmitifikatzea"

Denbora da poligrafo bakarra.


Eguneraketa berriak daude