EH Baik Frantziako Ekonomia ministroaren Senpereko bigarren etxebizitza okupatu du
Ekintza amaitu dute lortu dutenean hitzordua lotzea Bruno Le Maire ministroarekin uztail amaierarako, bigarren etxebizitzei aplikatzen zaien zergari buruz solasteko.
Astelehen goizean EH Baiko hamabost bat militantek ekintza egin dute Bruno Le Maire Frantziako Ekonomia eta Finantza ministroaren bigarren etxebizitzan, Senperen, Ipar Euskal Herriko etxebizitzen arazoa ikusarazteko. Hain zuzen, ministroaren egoitza okupatu dute eskatzeko bigarren etxebizitzei jartzen zaien gehienezko zerga muga kentzea. EH Baik sare sozialetan zabaldu du ekintza: “Gain zergaren mugaren haustea irudikatzeko, militanteek teilak kendu dituzte ministroaren etxetik”, txiokatu dute. Hainbat afixa zabaldu dituzte teilatutik.
Azkenean, ekintza amaitu dute hasierako helburua erdietsi dutenean: Le Mairerekin hitz egin dute eta adostu dute bilkura bat egingo dutela uztailaren bukaera, auziari buruz mintzatzeko. Izan ere, Frantziako Gobernua 2023rako Finantza Legea egiten ari da, eta bertan erabaki dezakete bigarren etxebizitzek duten %60ko gehienezko gainzerga muga bertan behera uztea. Militanteek jakinarazi dute okupazioa utzi dutela baina “etxebizitza eskubidearen aldeko borrokan” segiko dutela.
EH Baik gogorarazi duenez, gaur egun “tentsio pean dauden zonaldeko herriek” aplikatu dezakete bigarren egoitzen zerga hori (ez da Senpereren kasua). Ohartarazi dute Ipar Euskal Herriko etxebizitzen %21 bigarren etxebizitzak direla (41.000 bat etxe). Zehaztu dutenez, zergetan bildutakoa erabili nahiko lukete EPFL Ipar Euskal Herriko Lurraren Erakunde Publikoak lurrak erosteko eta lurren kudeaketa publikoa laguntzeko diru-iturri gisa.
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.