ARGIA.eus

2020ko maiatzaren 31

EAJk Madurori "berehala" kargua uzteko eskatu dio, eta Guaidok har dezala agintea

  • Juan Guaido presidente izatea eta “bidezko” hauteskundeak, libreak eta unibertsalak, egitea nahi du EAJk. Nicolas Madurori kargua uzteko eta oposizioarekin hitzartzeko eskatu dio.

Gorka Pe˝agarikano Goikoetxea @PenagarikanoG
2019ko urtarrilaren 25a
Irudian Andoni Ortuzar, EBBko burua

Euzkadi Buru Batzarrak patxada, elkarrizketa eta adiskidetasuna aipatu du. Dena den, Nicolas Madurori “lehenbailehen” kargua uzteko eskatu dio, era baketsuan, eta momentuz izanda ere, Guaidok har dezala botere exekutiboa. Venezuela trantsizio labur baten beharrean daudela esan dute, eta egoera “delikatu” honetatik irtetean “bidezko” hauteskundeak –demokratikoak, libreak eta unibertsalak– deitzea beharrezko ikusi dute.

“Autoritarismoari aurre”

Venezuelako indar demokratiko orori dei eginez, adostasunaren bidetik Maduroren “autoritarismoari aurre” egiteko animatu ditu EAJk. Venezuela “krisi humanitario suntsitzaile” batean sartuta dagoela eta demokraziara bideratutako programa bat adostu behar dutela esan du. Horretarako, patxada, elkarrizketa eta adiskidetasuna beharrezko direla esan du EBBk.

Iñaki Anasagasti (EAJ): “Jendilaje batzuk dira”

EAJren alderdikide eta Espainiako senatari ohia, Venezuelan gertatutakoa –Guaidoren estatu kolpea– hobesteko Bilbon eginiko kontzentrazio batean egon zen asteazkenean. Jaiotzez venezuelarra da Anasagasti, eta Maduro eta Maduroren jarraitzaileei zuzendu zitzaien “jendilaje” izatea egotziz. “Maduro, inguraturik zaude”, esan zuen bozgorailuarekin.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Venezuela  |  EAJ

Venezuela kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude