EAJ "berehala hasiko da" Jaurlaritza osatzeko akordio bila

  • Andoni Ortuzar EAJko Euzkadi Buru Batzarreko presidenteak jakinarazi du bere alderdiak asmoa duela lehenbailehen eta banan-banan biltzeko Eusko Legebiltzarrean ordezkaritza duten gainerako taldeekin, “gobernu sendo eta egonkorra” osatze aldera. “Akordiorako hipotesi guztiak zabalik” daudela esan dute jeltzaleek.


2016ko irailaren 27an - 09:31
Andoni Ortuzarren agerraldia EBBren bileraren ostean (Arg.: EAJ).

Ortuzar bera eta Iñigo Urkullu izango dira EAJren ordezkariak bilera horietan, EBBk adierazi duenez. Gobernua ahalik eta arinen osatzea da jeltzaleen asmoa, eta horregatik aste honetan bertan hasi nahi lukete beste alderdiekin hitz egiten, agendek horretarako aukera emango balute.

“Orri zuria eramango dugu bileretara, eta iraganeko aurreiritziek ez dute prozesua baldintzatuko”, esan du Ortuzarrek hauteskundeen biharamunean EBBk egindako bileraren ostean. “Egonkortasuna eta gobernagarritasuna” lehenetsiko dituela gaineratu du.

Era berean, Ortuzarrek adierazi du EAEko hauteskundeetan lortutako emaitza onek ez dutela EAJren jarrera aldaraziko Espainiako Gobernuaren osaketari dagokionez, eta eutsi egingo diotela Mariano Rajoyri emandako ezezkoari.  

[EGUNERATZEA, 19:01]: EAJren prentsa bulegoak bilera egutegia zabaldu du. Jeltzaleak hilaren 29an batuko dira EH Bildurekin, 30ean Elkarrekin Podemosekin, urriaren 3an PSE-EErekin, eta 4an PPrekin. 


Kanal honetatik interesatuko zaizu: Eusko Legebiltzarreko hauteskundeak
Aste politikoaren kronika
Orokorkerien Euskadi

Hilabete baino gutxiago falta da hauteskundeetarako eta bi aste baino ez kanpaina ofizialki abiatzeko. Lehen bi kolpe kanonikoak eman dituzte dagoeneko. Bata administrazioak, egin baitute zozketa, hauteslekuetan eguna botako duten herritarrena; eta alderdi politikoek bestea, 48... [+]


2024-03-24 | Anuntxi Arana
Barbie hauteskundeetan

Arropa bera luzaz eramatea ez da ongi ikusia, eskasa-edo dateke. Behin, lagun irakasle bati lizeoan ohartarazi zioten bazela ordua jaka berria eros zezan. Aspaldiko joera hori indartuz joan da. Telebistako esatari eta berriemaileek jantzi desberdinak luzitzen dituzte egunero... [+]


Aste politikoaren kronika
Bejondeiela

Pandemia aurretik mugarria ezarri zuena, geurean, Berri Txarrak izan zen; azken kontzerturako sarrerak mila hilabete lehenago ipinita, F5 tekla guztiak izorratu eta webgunea kolapsatu zituena. Pandemia aroan, gero, ugaldu zen txartelak online hartzeko moda, eta ordu luzez ilara... [+]


Aste politikoaren kronika
Infiltratua

Zikindu da aurre-kanpaina. Ertzaintzaren jardun polemikoak hartu du fokua eta, pasa den asteko kronikan iradoki moduan, herritarren eguneroko beste hainbat arazo, norbanakoaren poltsikoari edota osasunari zuzenki loturikoak, alboratu dira beste behin ere. Egia esan, ez da... [+]


Eguneraketa berriak daude