Sarraskia eragin du junta militarrak Myanmarren, estatu kolpearen aurkako 38 pertsona hil ditu gutxienez
Herrialdeko hiri nagusietan istiluak izan dira Poliziaren eta diktaduraren aurkako manifestarien artean. Euskal Herrian 18:30ak zirenerako, gutxienez, 33 hildako aipatu dituzte nazioarteko hedabide nagusiek, sare sozialetan 60tik gora ere zenbatu dituzte. Nazio Batuen Erakundearen arabera, 38 hildako izan dira. Sarraskia inondik inora.
Manifestari baketsuei tiro egin diete Myanmarren asteazkenean eta gutxienez 38 hildako zenbatu dituzte herrialde osoko protestetan, nahiz eta hildakoen kopurua etengabe igotzen ari den. Aurreko egunetan ere juntaren aurkako protestetan ere zenbait hildako izan baziren ere, konparaziorik ez, asteazkenekoa izan da otsailaren 1ean estatu kolpea eman zutenetik egunik odoltsuena.
Manifestazioek desafio egin diote junta militarrak ezarritako debekuei eta kalera atera dira demokrazia berrezartzeko eta preso politikoak askatzeko eskatuz. The Guardianek Thinzar Shunlei Yi izeneko giza eskubideen aldeko ekintzaile bat elkarrizketatu du, eta honek dio herrialdean "egunero sarraskia" egiten ari direla.
Sare sozialetan bideo ugari zabaltzen ari dira asteazkeneko biolentzia dokumentatuz. Hari honetan hiri ugaritan jazotako erasoen bideoak biltzen ari dira.
Bitartean protestek jarraitu egin dute hiri askotan, eta manifestariek barrikadak eraiki dituzte juntari aurre egiteko.
Toru Kubota uztailean atxilotu zuten, Myanmarko bi herritarrekin batera, Yangonen, erregimen militarraren aurkako protesta batean argazkiak eta bideoak atera ostean.
BBC hedabideak ikerketa bat argitaratu du, eta militarrek uztailean egindako lau sarraskiren berri eman du. Uste dute hilketak “zigor kolektiboak” izan direla, herri horiek baitira agintean dagoen junta militarraren oposizioaren gotorlekua. Armadak ez ditu hilketak... [+]
Otsailean militarrak agintera heldu zirenetik, herritarren aurkako hainbat eraso eta ekintza armatu egin dituzte. 1.100 pertsona hil dituzte ordutik, eta 4.500 (haurrak barne) atxilotuta dauzkate. Biztanleei armak hartzeko eskatu diete oposizioko kideek.