Donostiako AZGAK auzoko mahaiarekin irtenbidea bilatzera deitu du eta GKSk ezker abertzalearekin negoziatzeko prest dagoela dio

  • Astelehen arratsaldean bi prentsaurreko egin dituzte Donostian ia aldi berean, larunbat gauean Alde Zaharrean izandako eraso eta istiluen harira. Batetik, Alde Zaharreko Gazte Asanbladak deitutakoa Trinitate enparantzan. Bestetik, Mugimendu Sozialistak deitutakoa Miramongo anfiteatroan. Lehenak adierazi du aurrez antolatutako erasoak izan zirela argi dutela eta "hainbat herritako ildo sozialistako militanteak auzotarrak erasotzera ekarri zituztela". Bigarrenak "Ezker Abertzalearen intoxikazio kanpaina eta eraso politikoak" salatu ditu. Biek ala biek egoerari irtenbidea emateko borondatea adierazi dute, bakoitzak bere formularekin.


2022ko ekainaren 07an - 13:04
AZGAren prentsaurrekoa Trinitate enparantzan. (AZGA)

Donostiako Alde Zaharreko Gazte Asanbladak zera adierazi du larunbat gaueko liskarrez: "Argi dugu eraso hauek aurrez antolatuak izan zirela eta gainera hainbat herritako ildo sozialistako militanteak auzotarrak erasotzera ekarri zituztela".

Jakinarazi du gau horretan ildo sozialistako kide bati atarian eraso egin zion kidea kanporatu egin dutela asanbladatik eta ez dutela "inongo erasorik onartzen" adierazi dute. Mugimendu Sozialistak arazoaz egin duen irakurketarekin ez dago ados Gazte Asanblada: "Ildo sozialistak gai honen muina Ezker Abertzalea eta Jarkiren inguruko aliantza batean kokatzen du, baina hau gezurra izateaz gain, AZGA-ko parte diren eta aipatutako antolakundetan egituratuta ez dauden militanteak gutxiesten dituzte. AZGA herri mugimenduaren parte da eta ez du inolako harreman organiko/estrategikorik ez Ezker Abertzalearekin, ez Jarkirekin, ez beste inongo eragilerekin. AZGAk ez du inongo momentuan beto politikorik ezarri. Ildo sozialistak asanbladarekiko burutu zuen erasoaren ondorio izan da kanporaketa".

"Egoera guztiz deskontrolatuta dagoela ikusita", Gazte Asanbladak auzoko eragileen mahaia deitzea erabaki du eta GKS bertan parte hartzera gonbidatu, "arazo larri honi irtenbide bat emateko asmoz". Honela amaitu dute pankartan Auzoan lasai eta bakean bizi nahi dugu: Auzodefentsa idatzita zuen agerraldiko irakurketa:

"Auzo hobe baten alde borrokatzeko sortu ginen eta asmo horretan berresten gara. Beraz, errespetuan oinarrituriko espazio seguruen, anitzen eta parte-hartzaileen alde egiten jarraituko dugu, beti ere, auzoaren eta auzotarron mesedetan".

GKS kaleetako tentsioa jaisten laguntzeko prest, "marra gorriak errespetatzen badira"

Miramongo Anfiteatroan agerraldia egin du Euskal Herriko Mugimendu Sozialistak, larunbat gaueko gertaeren irakurketa plazaratzeko. Larunbat gauekoa kasu isolatu bat baino, "ofentsiba politiko luze baten baitako azken gertakariak dira", adierazi dute. Hasieratik EH Bildu eta Sortu jarri dituzte jomugan, eta bi eragile horiek beraien aurkako "bazterketa, kriminalizazio eta intoxikazio estrategiak aspaldi abiarazi zituztela" salatu dute.

"Militanteen segurtasuna, espazio publikoa erabiltzeko eskubidea eta finantzatzeko eskubidea daude. Horiek dira gatazka honetan gure marra gorriak", adierazi dute. "Ezker abertzaleak kanpaina antikomunista" bat martxan duela aipatu dute. "Tentsioa kaleetara eramateko hautua egin dute eta horrek denoi kalteak ekarriko dizkigu", adierazi dute.

Mugimendu Sozialistaren prentsaurrekoa.

Hala ere, EH Bildu eta Sorturekin negoziatzeko prest daudela adierazi dute, "kaleetako tentsioa jaisten laguntzeko eta benetan inori interesatzen ez zaion tentsio eszenatoki orokortu bat ekiditeko". Marra gorri batzuk aipatu dituzte horretarako, eta zentzu horretan EH Bildu eta Sorturi zuzendu dira "txosnetako beto politikoen kanpaina eten dezaten; gure militantzia politikoa aitortu eta errespetatu dezaten; eta gure antolakundeen aurkako jazarpen eta intoxikazio kanpaina bukatu dezaten".

"Euskal Herri osoan gure militanteak moralki eta hainbatetan fisikoki suntsitzeko estrategiak abiarazi dituzte: propaganda sistematikoki kentzen digute, ezkutuko grabaketak egin eta sareetara igo dituzte, mugimendu sozialistako militante izateagatik EH Bilduko jendearen partetik lan jazarpen kasuak ematen ari dira, legez kanpoko kaleratzeak eta kaleratze xantaiak eman dira arrazoi ideologikoengatik. Institutuko Sortuko irakasleen partetik, Ikasle Abertzaleakeko ikasleen umiliazio eta diskriminazio kasuak areagotzen ari dira. Sare sozialak jazarpen sozialerako espazio bihurtu dituzte. Komunisten aurkako irainak, ukabilkadak eta heriotz mehatxuak egon dira azken boladan", salatu dute.

"Gure indarra gure proiektu politikoan dago –adierazi dute–. Eztabaida politikoan elikatzen da eta kapitalaren dinamikari aurre eginez hazi da. Gure ardura da ere sozialdemokraziaren ofentsibaren aurrean marra gorriak argi uztea". Beren marra gorriak militanteen segurtasuna, espazio publikoa erabiltzeko eskubidea eta finantzatzeko eskubidea direla azpimarratu dute.

Honela amaitu dute oharra: "Aipatu marra gorriak errespetatzeko borondatea badago, ezker abertzalearekin negoziaketarako prest agertzen gara. Baina gure antolakunde eta militanteen aurkako erasoek jarraitzen badute, komunismoaren aurkako kanpaina zikinak jarraitzen badu, EH Bildu eta Sortu alderdiak udan sortu daitekeen agertokiaren erantzule egiten ditugu".


Kanal honetatik interesatuko zaizu: Politika
Haur eskolak euskaraz eskatu ditu berriz ere Iruñeko Euskalgintzak

Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]


Estatuaren indarkeriaren biktimei aitortza ekitaldia eginen die Nafarroako foru gobernuak

Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.


2024-05-16 | ARGIA
ETAren desarmea lagundu zuten bakegileak errudun jo ditu Parisko auzitegiak, baina zigorrik gabe

Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.


Materialismo histerikoa
Isilean

Katalunian ere hauteskundeak izan dira. “Emozioak, pragmatismoa eta xenofobia: Kataluniako hauteskundeen klabeak” titulatu zuen Público egunkariak. Ezkerra dabil pragmatiko eta kudeatzaile han ere, eta emozioak Junts-i lotuta aipatu zituzten. Baina... [+]


Itxialdiak egin dituzte Iruñerriko institutuetan Gazaren alde, nahiz eta Nafarroako Gobernuak espresuki eskatu ez baimentzeko

Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]


Eguneraketa berriak daude