Donostiako Alde Zaharreko gaztetxeak negoziazio mahaia eskatu dio udalari
Larunbateko prentsaurrekoan adierazi zutenez, Donostiako Alde Zaharreko gazteek astelehenean formalizatu dute eskaera.
Irailaren 10 honetan zortzigarren eguna beteko dute Orixe zaharra okupatu zutenetik. Auzoaren arazo nagusiena auzotarrek garatu nahi dituzten proiektuetarako espazio falta dela salatu dute. Arazo gehiago ere azaleratu dituzte: “Zarata, etxebizitza duinerako irismen falta, aisialdi guztia drogen kontsumora bideratzea eta turismo basatia”, besteak beste.
Arazo horiei irtenbidea eman asmoz, hainbat saiakera egin dituzte gune autogestionatuak sortzeko. 2011n Uxotegi gaztetxea sortu zuten, baina okupazioa bertan behera utzi zuten eta espazio hura gaur egun SanseBay hotelaren hedapena bilakatuko da. Aurten beste bi saiakera egin dituzte Abuztuak 31 eta Aldamar kaleetan, eta “biak bortizki desalojatuak” izan zirela salatu dute.
2014an, halaber, orain Alde Zaharrean okupatua dagoen eraikinean auzo etxea sortzeko prozesua hasi zuten Auzo Elkarteak eta udalak. Oposizioak aldiz, proiektua bertan behera utzi zuen hezkuntzarako erabilera emango zitzaiolakoan. Lau urteren ondoren “usteltzen” jarraitzen duela adierazi dute gazteek.
“Auzolanaren bitartez herriari guztiz irekita dagoen proiektu bat eraikitzen hasi gara” adierazi zuten eta auzotar zein donostiar orori deia zabaltzen diote bertara gerturatzeko.
Larunbatean emandako prentsaurrekoa:
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]