Desazkundeari buruzko jardunaldiak antolatu dituzte Iruñean urriaren 21etik 24ra
Nafarroako Energia Eraldatzen poligono berriztagarri handien aurkako koordinadorak trantsizio energetikoa birpentsatzeko hirugarren jardunaldien deialdia da. Topaketa horietan, energiaren arazoa eta gizarte egituraren desazkundearen beharrari buruz hausnartuko dute.
Erregai fosilak ordezkatzeko premia larria dago jardunaldien antolatzaileen esanetan, baina energia berriztagarrien ezarpena motelegi doa, eta gainera, ingurumen eta gizarte inpaktu handiak eragiten ditu. Oraingo ordezkatze moldeak gabezia nabarmenak ditu, eta zalantzan jartzen dute beronen eraginkortasuna.
Diotenez, beharrezkoa da gizartearen energia kontsumoa eta materialen murrizketa martxan jartzea. Jardunaldietan kontsumo hauek murrizteko dauden “benetako aukerez” jardungo dute, eta horretarako ezar daitezkeen estrategiez ere bai. Beraz, desazkundearen teoriak egungo sistema ekonomikoa hobetzeko eskaintzen dituen aukerak aztertuko dituzte.
Jardunaldietan lau hitzaldi, tailer bat eta erakusketa bat ikusteko aukera izanen da. Urriaren 21etik 24ra bitartean egingo dira Iruñeko Kondestable-n (Alde Zaharrea, kale Nagusia 2) eta Plazara! (Kale Nagusia 31) aretoetan. Hemen egitarau zehatza:
Urriak 21, astelehena, 18:00etan Kondestablen:: Zer jango dugu gaur? Elikadura arazo gisa, eta elikadura etorkizun desiragarri baterako gako gisa. Hizlaria: Ivanka Puigdueta, Valentziako Univesitat Politeknikoko Nekazaritzako Elikagaien Zientzietan doktorea. Ondoren, Klima-aldaketa kontsumoaren ondorio gisa. Hizlaria: Julen Rekondo. Ingurumen dibulgatzailea eta Ingurumeneko Espainiako Sari Nazionala.
Urriak 22, asteartea, 18:00etatik aurrera, Kondestablen. Liburu aurkezpena: Decrecimiento: del qué al cómo. Propuestas para el Estado español. Egilea: Luis González Reyes. Zientzia Kimikoetan doktorea eta, besteak beste, Ekologistak Martxan taldeko kidea da. Ondoren, Desazkunderako proposamentak premiazko baikortasun batetik. Hizlaria: June San Millán García, zuzenbidean lizentziaduna eta REAS Nafarroako langilea.
Urriak 24, osteguna, 18:00etatik aurrera Plazara!-n Nafarroan dauden Desazkunderako aukerak aztertzeko tailerra, Sustrai Erakuntza fundazioko kideen eskutik. “Zer egin Desazkundearen aurrean? Datozen hamarkadetako Nafarroako gizartearentzako proposamen koadernoa” eztabaida-dokumentuan egindako proposamenetan sakonduko dute.
Halaber, Hamaika erakusketa urriaren 21etik 31ra izango da ikusgai, Plazara!-ko sarreran. Azaldu dutenez, “lur honetan bizi den edertasun infinituaren inbentarioa da eta diziplina anitzeko proiektu artistikoa”.
Sustrai Erakuntzaren webgunean ikus daiteke jardunaldiei buruzko informazio gehiago.
Zuhaitzen hostoak erortzen ari dira, eguzkiak ez du hainbeste berotzen baina azken izpiak aprobetxatuz, bazkalostean mendi bueltatxoa ematera irten gara. Mendiaren soinuetan barneratuta, bat- batean tronpetak diruditen “kru-kru-kru” hotsak entzuten dira. Begirada... [+]
Baigorriko pentzeetan jateko sagarrak ekoizten ditu Elena Aguerre laborariak. Lekorneko Garroa etxaldean barazkigintza ekologikoan luze aritua zen, baina 2022-2023ko neguan Baigorrira lekualdatu eta proiektu berria jarri zuen abian: “Pentze bat xerkatu eta hektarea eta... [+]
Inaurkina. Inaurkingintzan buru-begi hasia dago aberats jendea, abeldun jendea, abeltzaina. Buru-begi eta buru-belarriak erne egin beharreko lana da inaurkinarena. Etxeratu nahi den zaborra da inaurkina. Izan ere, zaborra, gaur egun sortzen duguna ez bezala, begi-bistatik... [+]
Udazken sasoia iritsi zaigu eta ohikoak diren irudiak etorri zaizkigu; hostaje gorrixkak, erortzen ari diren hosto bakan malenkoniatsuak, haizeak astindutako orbela.
URA agentziak obrak “berehala” geldiarazi ditu, eta txostena ireki dio Red Electricari. Ez da lehen aldia bentonita isuriak atzematen dituztena. Obrek Gatika eta Europa konektatzea dute helburu.
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
2018tik 2023ra kolore berdea izatetik grisa izatera pasa den lur eremua 9.000 kilometro koadro ingurukoa da, Zipreren adinako azalera. The Guardian-ek argitaratu duen ikerketaren arabera, etxebizitzen eta errepideen eraikuntzara ez ezik, luxuzko turismo, kontsumo eta aisialdira... [+]
Altri multinazionalak Europako zelulosa lantegi handienetakoa eraiki nahi du Galizian, Palas del Rei herrian, lyocell deituriko zuntz "jasangarria" ekoizteko. Eukaliptoak, ura, moda-industria indartsua eta oligarkia politiko diruzalea. Dena du alde horretarako. Dena?... [+]
Berotegi gasen emisioak eta atmosferaren kutsadura murriztu egin diren arren, ingurumenaren egoera ez da ona Europan, kontuan harturik naturaren degradazioak, gehiegizko ustiapenak eta biodibertsitatearen galerak dakartzaten ondorioak, Europako Ingurumen Agentziak bost... [+]
Silurikoan sortu omen ziren, kontuak atera! Duela 400 milioi urte edo gehiago. Beraz, planetako lurretan azaldu ziren lehenetako animaliez ari gara, ez da txantxetarako kontua. Eta oraindik txantxa gutxiago, garai hartako espezie batzuek luzeran bi metro ere bazituztela jakinda... [+]
Garuna dirudi, bai, intxaur alearen mamiak. Garun bikoitza. Alearen edo garauaren barrukoari “intxaur-mami”, “intxaur-ister” eta “intxaurki” esaten zaio.
Uztailaren erdialdean aurkeztu zuten 2027tik aurrera Europako Nekazaritza Politika Bateratua (NPB) izango dena, eta proposamena izugarria da: NPBaren egitura desegitea eta azken urteotan lortutako aurrerapen urriak suntsitzea.
Pirinioetako eta Iberiar Penintsulako mendien katalogoa gehitu dugu Mendiak aplikaziora. Abuztuan hazi zen mendi katalogoa, eta dagoeneko igoera mordoxka bat erregistratu dituzte erabiltzaileek. Webgune gisa kontsulta daiteke Mendiak.eus, baina erabilpen aproposerako, app bidez... [+]
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.