Joana Haramburu, Txistor presoaren alabak du hitza. "Nahi ditugu bizirik eta etxean". #OrainPresoak #BakeaEuskalHerrian #ParisZuzenean

— Jenofa_B (@Jenofa_B) 2017(e)ko abenduak 9

"Paradigma aldaketaren garaia da", Fabienne Servan Schreiber. #OrainPresoak #ParisZuzenean #BakeaEuskalHerrian

— Jenofa_B (@Jenofa_B) 2017(e)ko abenduak 9

"Bat egin dezagun bide berean bakeraino" Etxegarai Euskal Elkargoko lehendakariaren azken hitzak euskaraz. #OrainPresoak #ParisZuzenean

— Jenofa_B (@Jenofa_B) 2017(e)ko abenduak 9

Preso eta erbesteratuak euskal jendartera itzul daitezela eskatu du Mixel Berhokoirigon Bakearen Artisauak. Biktimak izan ditu gogoan, eta denen mesederako bakea eraikitzearen alde azaldu da. Halaber, urtarrilaren 13an Bilbon egingo den presoen aldeko manifestazioan parte hartzera dei egin du.

"Aurreikuspenak gainditu ditugu. Hori ez zen posible izanen jendarte zibila eta hautetsien arteko elkarlana gabe", adierazi du manifestazioaren amaierako ekitaldian Anaiz Funosas Bake Bideako presidenteak.

11.000 pertsona bildu dira presoen aldeko Parisko manifestazioan, deitzaileen esanetan. Gara-ren arabera, 10.000 lagun inguru espero zuten antolatzaileek; 15.000 izan direla aipatu dute hainbat iturrik sare sozialen bitartez.

Aniztasuna nagusi lehen lerroan. Funosas, Berhokoirigoin, Brisson, Etxegarai, Espagnac... (Jenofa Berhokoirigoinen bideoa)

Honela hartu du Lander Arbelaitzek manifestazioaren hasierako unea:

Honela abiatu da euskal presoen aldeko manifestazioa Parisen.

Ha comenzado la manifestación en #Paris a favor de los derechos de lxs presxs políticxs vascxs.#PaixenPaysBasque #BakeaEuskalHerrian #OrainPresoak #9DecPARIS pic.twitter.com/yRULqRuu82

— Lander Arbelaitz (@larbelaitz) 2017(e)ko abenduak 9

Iritsi da Frantziako Estatuko 20 espetxetan barrena itzulia egin ostean, gaur goizean Fresnestik atera den martxa. Honela jaso du unea Lander Arbelaitzek.

Iritsi da Frantziako Estatuko 20 espetxetan barrena itzulia egin ostean, gaur goizean Fresnesko atera den martxa. #PaixenPaysBasque #bakeaeuskalherria #OrainPresoak #9DecPARIS pic.twitter.com/ox2srqEfj2

— Lander Arbelaitz (@larbelaitz) 2017(e)ko abenduak 9

Hasi da Parisen manifestazioa, ikus hemen Jenofa Berhokoirigoinek hartutako irudiak

Bake prozesua eta euskal presoen afera lotua dago, Mixel Berokhorigoin bakearen artisauak gogoraratzen duen gisan. Zertan da orain bake prozesua galdegin dio "Laborari"k:

"Ez dugu nahasi behar nahi ginukena eta errealitatea. Elkarrizketa abiatua da Justizia ministeritzarekin. Zuzendari ordearekin ari gira solasean. Elysée eta Matignon-en baimena eta loturarekin ari dela erran dauku. Diskuzio espazio hori iduri du zintzoa dela, konfiantxa bat lotua dela. Iduri du gogoa eta disposizioak badirela gauzak aldatzeko. Mementoko gaia presoena da, Pariserat abian gira gai horren inguruan. Oraindik alde bakarreko prozesu batean gira. Parioa da martxan emaiten den dinamikak tiratuko duela dena, batek egin urratsak".

Elkarrizketa osoa hemen irakur liteke.

Euskal preso politikoei legeak dioena aplikatuko balitzaie, 43 kanpoan lirateke gaur bertan. 21 larriki eri direlako, beste batzuek baldintzapeko askatasunaren onurak guzatu behar lituzketelako eta beste batzuk Europako zigorren konfusioa lor dezaketelako.

EAJ, EH Bildu, ELA eta LAB ere Parisen dira. Jeltzaleen ordezkaritza Ipar Euskal Herriko hautetsi eta militanteek osatzen dute.

Fresneseko espetxeko martxa ere iristen ari da. Jenofa Berokoirigoin ari da bertan.

Bizpahiru kilometro eskas Montparnassera iristeko. Laurdentxo baten buruan heltzekoak. #OrainPresoak #ParisZuzenean #BakeaEuskalHerrian pic.twitter.com/LTvUFsUq74

— Jenofa_B (@Jenofa_B) 2017(e)ko abenduak 9

Euskal Herri osoko 1.007 hautetsik babestu dute gaur Parisen egingo den Bakea Euskal Herrian: Orain presoak manifestazioa eta Frantziako Gobernuari eskatu euskal presoei aplikatzen dieten salbuespen legeria bukatzeko.

Euskal Herritik iritsitako milaka herritar ari dira biltzen 18 Juin plazan biltzen ari dira, bertan egingo da lehen elkarretaratzea, Montparnasse tren geltokiaren ondoan. Bertan izango da animazio ugari; kamioi baten gainetik arituko dira, esaterako, Bad Soun System, Fermin Muguruza edo Oreka TX, besteak beste. 12:00etarako egingo zaie harrera espetxeetako martxan parte hartu dutenei eta 12:30en hasiko da manifestazioa.