Catella-Vitalquiler eta Eusko Jaurlaritza salatu dituzte Arartekoaren aurrean, Chaymae eta bere hiru seme-alaben etxegabetzeagatik
Kaleratzeak Stop elkarteak familia 767 euroko zor batengatik babes ofizialeko etxebizitzatik legez kanpo kaleratu zutela gogoratu du.
Kaleratzeak Stop elkarteak Arartekoaren aurrera eraman ditu Catella-Vitalquiler eta Eusko Jaurlaritza, pasan den apirilaren 9an babes sozialeko etxebizitzatik Chaymae eta bere hiru seme-alabak etxegabetzeagatik. Elkarteak gogorazi duenez, familia osoa 767 euroko zor batengatik kaleratu zuten, legeak aurreikusten duen moduan haien zaurgarritasuna eta beste etxebizitza batera joateko aukerarik ez zutela kontuan hartu gabe.
“Catella-Vitalquilerrek alokairu babestuko erregimenean kudeatzen dituen babes ofizialeko 500 etxebizitzak sozialak dira” azaldu dute, beraz “etxebizitza horien funtzio soziala ez da betetzen, eta interes orokorra urratzen da, familia ahul bat 767 euroko zorragatik etxegabetzen denean, edota kobratzen den alokairua, gehi Ondasun Higiezinen Gaineko Zerga eta komunitate-gastuak, familiaren diru-sarreren ehuneko 60a denean”.
Halaber, “funtzio sozial hori ez da betetzen abusuzko klausulak dituzten kontratuak sinatzera behartzen denean, hala nola 4.000 eurotik gorako fidantza eskatzea, ehuneko 10eko berandutze-interesa ezartzea, legean aurreikusitako kontratuen luzapenaren eskubideari aurretik uko behar izatea, edo giltzak entregatzen atzeratutako egun bakoitzeko errentaren bikoitzarekin zigortzea”, salatu du elkarteak.
Haien hitzetan, “Eusko Jaurlaritza, -Etxebizitza eta Justizia Saila-, ‘in vigilando‘ erruduna da, bere erantzukizuna legea betetzen dela ikuskatzea baita”. Kasu honetan, Jaurlartzaren, Botere Judizialaren Kontseilu Nagusiaren eta EUDELen arteko lankidetza-hitzarmena ez betetzearen erantzuletzat jo dute, “ez baita hauteman zaurgarritasunik etxegabetzea baino lehen, ezta Ekonomia, Gizarte eta Kultura Eskubideen Nazioarteko Ituna aurreikusi ere, aldez aurretik etxebizitzarako aukerarik gabe ez uztera behartzen duena”.
Azkenik, Chaymae eta bere hiru seme-alaba adingabeen etxegabetzeari buruzko salaketa Gasteizko Epaitegietako Dekanotzan ere jarri dute. Baita Justizia Sailaren aurrean ere, azken kasu honetan familiak ordaindutako 4.000 euroko fidantzari buruz galdetzeko.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.