Jo Cox diputatu laboristaren hilketak ‘Brexit’-aren kanpaina astindu du
Erresuma Batua Europar Batasunetik irten edo ez erabakitzeko erreferendumaren kanpaina astindu dute ostegunean. Jo Cox diputatu laborista tirokatua eta labanaz zauritu ostean hil egin da. Hiltzaileak tiro egin zuen "Erresuma Batua lehenengo" oihuka. Astebete falta da erreferendumerako.
aurre egingo dieten hedabide independenteak
Erasoa ostegun eguerdian izan da, Leeds hiri inguruan, ekitaldi politiko baten ondoren. Zenbait lekukoren arabera, Cox birritan tirokatu eta labanaz zauritua izan da eta lurrean odoletan utzi du erasotzaileak. Poliziak 52 urteko gizonezko bat atxilotu du.
Ekainaren 23an izango da Erresuma Batuan Brexit delakoaren inguruko galdeketa eta egunek aurrera egin ahala tentsioa areagotuz doa. Alderdi Laboristako kideari egin erasoak astindua eman dio kanpainari, aldekoek eta kontrakoek bertan behera utzi dituzte ostegunean aurreikusita zituzten ekitaldi guztiak.
