Brasilgo Polizia tiroka sartu da MSTko formakuntza eskolara
Brasilgo Lurrik Gabekoen Mugimenduko Florestan Fernandes (ENFF) formakuntza eskolara sartu dira dozenaka polizia. ENFFn Brasilgo eta kanpotik joandako lagun askok ikasten dute. Oldarraldia gertatu den unean Askapenako kide bat han zegoen. Onik dagoela adierazi du.
MSTko 14 kide atxilotzeko –tartean zuzendaritzako hainbat lagun– eta beste seiri galdeketa egiteko agindua dutela zabaldu dute. Kide horietako bat Florestan Fernandes eskolan (Guararema, Sao Paulo) zegoelakoan –ondoren ezeztatu dena–, hara azaldu da Polizia bera atxilotzera. Han ziren dozenaka lagunek Polizia eskola barruraino sartzea oztopatu dute. Agindu judizialik gabe saiatu dira atxiloketa egiten, beraz agindua lortzean litekeena da berriz Polizia eskolara sartzen saiatzea.
Eskolako atea lurrera bota eta barrura sartzeko saiakera egin dutenean tira-bira geratu da. Orduan poliziek armak atera eta zenbait tiro ere egin dute. Bala batek MSTko kide bat arin zauritu du eta bi lagun atxilotuta eraman dituzte, 72 urteko gizon bat eta eskolako aktibitateetan parte hartzen ari zen artista bat.
Eskolan parte hartzen ari zen Askapenako kide batek gertatutako guztia gertutik bizi izan du. Onik dagoela jakinarazi digute. Berarekin izan dugun solasaldia laster argitaratuko dugu.
Florestan Fernandes eskolari buruzko artikulua Estitxu Eizagirreren blogean: "Beatriz Casado, Brasilgo Florestan Fernandes Eskola Nazionala"
Brasilgo Mato Grosso estatuko nekazari familia txirotu baten zortzi umetarik hirugarrena da Rosana Fernandes. MSTko (Movimento dos Trabalhadores Rurais Sem Terra) kidea eta Florestan Fernandes Eskolako koordinatzaile politiko pedagogikoa da. Egunotan Euskal Herrian zehar ibili... [+]
João Pedro Stédile ekonomialaria eta Brasilgo Lurrik Gabekoen Mugimenduko (MST) erreferente historikoetako bat da. Mugimenduaren jatorria erregimen militarrean bilatu behar da 1979tik 1984ra bitartean, lur ez-emankorrak birbanatzeko helburuarekin sortua... [+]
Bea Casado Baides jatorria Alacanten duen euskal herritarra da. Hegoa institutuaren kooperazio masterrak ekarri zuen Bizkaira 2007an. 2012 eta 2015 urte artean Brasilen bizi izan zen, Lurrik Gabekoen Mugimenduaren (MST) borroketan eta ekimen formatzaileetan murgilduta. Bizipen... [+]
Mundua ez da aldatzen biluzik daudenentzat aterpea bilatuz. Ideia hori poema bihurtu zuen Bertolt Brechtek; poema hura kanta Mikel Laboak. Uste hori partekatzen al du xede iraultzaileak dituen herrigintzak? Bere borroketatik kanpo utzi al dute herri mugimenduek oinarrizko... [+]
Lur Gil kazetaria eta Askapena talde internazionalistako kidea da. MSTko Florestan Fernandes eskolan ikasten ari da. Ostiralean Brasilgo Polizia eskolara tiroka sartu zenean, han zen bera nazioarteko beste hainbat ikaslerekin batera.MSTren aurka eta, oro har, Brasilgo herri... [+]