350 pertsona inguruk Brasilia inguruan dagoen Coca-Cola enpresaren instalazioak okupatu dituzte ostegun goizaldean, multinazionalak herrialdeko baliabide naturalekin eta bereziki urarekin egiten ari den espoliazioa salatzeko, Vía Campesinak jaso duenez.

Protestak Coca-Colaren Brasiliako egoitza geldiarazi zuen ordu erdiz, eta salatu ditu Uraren Nazioarteko 8. Foroaren merkataritza-soileko helburuak. Hala, herri mugimenduek Uraren Nazioarteko Foro Alternatiboa (FAMA) sortu dute FMAri aurka egiteko.

Munduko akuifero handienak Brasilen daude, eta Nestlé, Coca-Cola, Danone eta tankera berdineko atzerriko enpresa multinazionalen kontrolpean daude. Nazio Batuek eta korporazioek gidatutako foroaren aurreko asteetan, Akuifero Guarani-aren kuantifikazioa osatzeko proposatu zen Brasilgo Kongresuan, Hego Amerikako ur-gez erreserba handiena.

Urtarrilean, Brasilgo presidente Michel Temerrek Davoseko Nazioarteko Ekonomia Foroan parte hartu zuen Nestlé, Ambev, Coca-Cola eta Dow enpresen ordezkariekin. Enpresa hauek 2030 Water Resources Group (2030WRG) taldearen parte dira, zeinak munduko ur edangarri dena pribatizatu nahi duen.