Bizkaian EAJ garaile alde handiz, EH Bildu berriro bigarren, eta PSE amilduta

  • Hautetsontzietako botoak zenbatuta, EAJk 12 jesarleku lortu ditu Bizkaian, 2012an baino bat gehiago (orduan baino 8.000 boto gehiago hartu dituzte). Hala ere, azken legebiltzarkidea eskuratzeko lehia oso estua izan da, eta EAJren eta EH Bilduren artean dantzan egon da hainbat minutuz. Azkenik, 80 botoko aldeaz bereganatu dute jeltzaleek. Baliteke, beraz, posta bidezko botoiek azken uneko aldaketa ekartzea.

Unai Brea @unaibrea  |  Asier Iturralde Sarasola @aldatsa
2016ko irailaren 25a

Elkarrekin Podemosek ez ditu lortu Espainiako hauteskundeetan bezain emaitza onak –ekainean, Espainiako hauteskundeen errepikapenean, garaile izan zen herrialdean, 170.000 boz lortuta– eta lau legebiltzarkide eskuratuko ditu Bizkaian. EH Bilduk, ekainean bosgarren izan eta gero, bigarren lekua berreskuratu du herrialdean, baina 2012an baino 29.000 boto eta jesarleku bi gutxiago lortuta, zalantzako azken legebiltzarkide horrekiko emaitzaren zain.

PPk 15.000 boto inguru galdu ditu. Izan ere, Eusko Legebiltzarkidean galdu duen jesarlekua Bizkaian joan zaio. Askoz emaitza kaskarragoak izan ditu PSE-EEk: 113.000 bototik 66.000ra jaitsi da (%40ko galera), eta ez da gailendu tradizioz indar handia izan duen herrietako bakar batean ere.

Gainerako alderdiek oso boto kopuru txikia lortu dute; emaitza onenak izan dituena, Ciudadanos, ez da %2ra iritsi.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Eusko Legebiltzarreko hauteskundeak  |  EAJ  |  PSE-EE  |  EH Bildu  |  PP  |  Podemos

Eusko Legebiltzarreko hauteskundeak kanaletik interesatuko zaizu...
Eguneraketa berriak daude