Bizinahi hutsa: mozorroez eta zomorroez
Mozorro-festa auzoan, Inauterietan eta urte osoan. Zorrotzaurre omen da etorkizun, eta iraganeko zomorro Deustuko Erribera. Erriberatarrak ere zomorro, noski, zomorro esker txarreko eta gogaikarriak, gainera.
Mozorro-festa auzoan, Inauterietan eta urte osoan. Zorrotzaurre omen da etorkizun, eta iraganeko zomorro Deustuko Erribera. Erriberatarrak ere zomorro, noski, zomorro esker txarreko eta gogaikarriak, gainera.
Hala diote, zentzu handiz, planifikatzaile txit ahalguztidunek; izan ere, ia 15 urte badira SuperPlanaren maketa hura aurkeztu zigutenetik, eta hortxe gabiltza hala ere nekaezin, irri eta ziri: zizt! . “Asmo zuri adreilu gorri!”… eta zizt! “Epe epelak eta uste ustelak!”… zizt! “Bilbok behar duen ginda? Zorrotzaurre Zorro-fraude!”… Zizt!
Bilbok merezi ei zuen ginda hori honezkero usteltzen hasia den arren, diru-goseak maldak zelaitzen ditu eta planifikatzaileak ere ez daude geldi
Dena dela, Bilbok merezi ei zuen ginda hori honezkero usteltzen hasia den arren, diru-goseak maldak zelaitzen ditu eta planifikatzaileak ere ez daude geldi. Koloretako erakusleiho bihurtu dute auzoa, domeketan parke tematiko, betiereko propagandaren mesedetan. Promozio-lanek eta diru-laguntzen ukendu eztiak zomorro modernoago eta koloretsuagoak erakarri dituzte, Sormenaren Irla 4.0, eta badaezpada, aldian-aldian enegarren hirigintza-asmo politikoki polita salduko diete bilbotar ameslari guztiei. Mozorro perfektua.
Egia esan, erriberatarrok inauterizaleak gara oso, bada, “bien bitartean”, alegia, nork berea seguru samar duen artean, auzoa modan eta bertan goxo, ezta? Larri ibili, baina! Aratusteok badute alde ilunik: paisaia desolatuan isolatuta, hormez eta latazko hesiz bete zaizkigu bazterrak, adreiluaren txin-txina bainoago hondeamakinen zarata dugu soinu-banda, ogia erostera ere Deusturako bidea egin behar... Eta, gainera, horri guztiari azken urteotako suntsiketa subrogatua gehitu behar: lantegiak ixteak eta utzikeria planifikatu sistematikoak eraikin abandonatuen arpilatzea ekarri du, eta horrek txikizioa eta bestelako hainbat arazo. Horrela, gure muturren aurrean auzoa itxuraldatzen eta desegiten ari zaizkigu. Eta ezer ez da kausalitate hutsez gertatzen.
Azkena, Vicinay Cadenas enpresak auzoa utzi behar izan duenekoa. Eraikin itzela hutsik eta utzita: aurreikusia omen haren berrerabilera, ikusteko zein egoeratan geratuko den laster. Bestalde, auzoko elkarteek aspaldi salatu zuten lokal gabezia, baina ez entzun egin zaie behin eta berriro. Ez dago zomorro-komunitate honentzat erabilera anitzeko lokalik pabiloi abandonatuen erreinuan. Errealitatea egoskorra da baina geu ere ez gara makalak. Begi-bistakoa den mozorro hori salatu nahi dugu, eta eskatu, arren, herri-zerbitzari filantropo agurgarriei utz gaitzatela zomorrooi geurea egiten, bizitzen alegia.
Erriberak bizinahi du!
Nerea Etxaniz Osa
Deustuko Erriberako auzokidea.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Bizipen multzoa da gure historia. Esperientziek osatutako atal eta kapituluak. Errutina eta egunerokoa zipriztintzen dituzten gertaerak. Baina adin batera iritsita, bizi izandako momentu batzuk atzenduta geratzen dira, buruaren zokoren batean ostenduta. Ez ahaztuak,... [+]
Ez dira gauza bera. Sistema demokratiko bat, edozein eskalan, parte-hartzailea ez bada ez da demokratikoa. Demos batek ez badu lehentasunik erabakiak hartzerakoan, demokrazia eredu hori hutsala da. Israelgo Estatuan hauteskundeak egiten dira, baina ariketa politiko horrek ez dio... [+]
Ez dut ikusi nahi gorputza arimaren kartzela gisa. Baina ezin dut saihestu gorputz atletikoak, gazteak, osasuntsuak, ulertzea luxuzko ibilgailuak balira bezala, jabeen eramaile arinak. Gazte (osasuntsu, atletiko) ez garenon gorputzek ere bere jabeok eramaten gaituzte, baina kasu... [+]
Teknologien azken joerengatik galdezka aritu da mastodon.eus-eko erabiltzaile bat, ezagutzen zuenak ez baitzion zirrararik eragiten. Zer pentsatua eman digu zenbaiti, eta jaso dituen erantzunak oso ezberdinak izan dira.
Nik adierazi diot teknologiek gizakion arteko... [+]
Trumpen muga-zergen dantza da azken hilabeteetako berri nagusietako bat. Gerra komertziala eta ekonomikoa hedabideen eta analisten ahotan daude oraindik ere. Gehienetan, baina, herritarrei gauzak era oso sinplean azaltzen zaizkie, gutxi-asko esanez Etxe Zurian ero bat dagoela... [+]
Ikasturtearen hasiera, lankideekin, laneko deskantsuan, kafe baten inguruan, atzean utzitako hilabeteen oroimenak mahairatuz. Deskantsua paraje desberdinetan egin izanagatik ez ditugu alboratu gizarte gisa ibiltzen dugun garaia. Distantzia hartu eta geldiunean gaudenean gai gara... [+]
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Gizonezkoak ziren gehienak Sanferminetako entzierroetan; gizonezkoak ia denak Frantziako Tourrean; gizonek hartu dute udako musika jaialdietako oholtza eta backstage-a; gizonezkoak dira nagusi bertso-plazetan; gizonezkoak dira Donald Trump, Vladimir Putin eta Benjamin Netanyahu... [+]
Chocón, Kolonbiako hiri batean, beltzak, indigenak eta mestizoak elkar bizitzari eusten saiatzen dira. Beltzek txoloak deitzen diete embera indigenei, eta emberek beren hizkuntzan hitz egiten dutenean, kristauez hitz egiteko esaten diete bai mestizoek eta bai beltzek... [+]
Akordatzen naiz Blanca Llum Vidal poeta maitasunaz hizketan entzun nuen lehendabiziko aldiaz. Bere esperientziaz aritu zen, besteak beste. Esan zuen bere ordura arteko bizitzan maitasuna beti amaitzen zela, baina maitasunak ez lukeela amaitu beharko sentituz bizi dela. Ez dela... [+]