ARGIA.eus

2020ko uztailaren 05a

Bizi!-k hamar urteko "borroka umoretsua" ospatuko du Baionako Patxa plazan

  • “Hamar urtez, ezina ekinez egina” lemak adierazten du Bizi!-ren izaera. Beti Bizi. Urgentzia klima izena du berriz, hamar urte ospatzeko argitaratu duten liburua. Klimaren egoera larriak kitzikatuta abiatu zen mugimenduak jira-biran jarraitzen du Euskal Herrian eta munduan.

Mikel Asurmendi @masurmendi
2019ko ekainaren 14a
Bizi!-ko kideak urtemugaren festa ospatzen hasi dira. (Argazkia: Guillaume Fauveau).

Bizi! mugimendu ekologistak Euskal Herrian zein kanpoan oihartzuna lortu du. Oihartzun hori entzunen da ekainaren 14tik 16rako asteburuan, Baionako Patxa Plazan, hamargarren urtemugaren ospakizunen karietara.  

2009ko ekainean sortu zen. Bizi!-k bi xede nagusi zituen: klimaren aldeko ekologismoa sustatzea eta justizia soziala bermatzea. Hainbat urtemugak seinalatu dute bere bide eraginkorra: 2013ko urrian Baionan “10, 100, 1000 Alternatiba” deialdiak herrixkak antolatzeko eta saretzeko egitasmoa indartu zuen. Halaber, tokiko aldarrikapenek, Euskal Herriko Laborantza Ganbararen aldeko borrokek, hala nola AHT zein Urre meategiaren kontrako ekimenek mugimendua indartu zuten. Bizi!-k halaber bere arrastoa utzi du mundu osoko ekimenetan, besteak beste, Alternatiba Tour, Faucheurs de chaises, Sortons Macron delakoetan.

Mugimenduaren ardatza klima aldaketaren afera da. Auzi horren bidez, arazoaren larria sarrarazi du gizartean, baita jendea askoren kontzientzia mugiarazi ere. Bizi!-ren ezaugarri nagusiak indarkeriarik eza, erabakitasuna, erradikaltasuna eta pragmatismoa dira.

Horiek horrela, Bizi-k borroka seriosa eraman du, baina umorea uztartu du berre ekintzetan. Izaera hori funtsezkoa izan da bere helburuetara emeki-emeki arribatzeko. Lurrak berotzen segitzen du eta gizarteko ezberdintasunak emendatzen. Horregatik beragatik, “alda dezagun sistema, ez klima” lemak segitzen du izaten Bizi!-ren berealdiko aldarrikapena.

“Borroka bai Festa ere bai!”. Serio eta umoretsu ari da mugimendua, baita festetan eta ospakizunetan ere. Kari horretara, Bizi!-ko kideak hiru eguneko festa eta ospakizunetan murgildu dira Lapurdiko hiriburuan, Baionan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Bizi!

Bizi! kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude