ARGIA.eus

2020ko maiatzaren 26a

Bina urteko kartzela zigorra eskatu dute Gasteizko herri harresiko 9 lagunentzat

  • 2015eko maiatzaren 17an Gasteizko Andra Mari Zuriaren plazan herri harresia osatu zuten ehunka kidek, hiru orduz Aiala Zaldibar, Igarki Robles eta Ibon Esteban babestu eta atxiloketa saihesteko. Mobilizazioan parte hartu zuten hainbat kide atxilotu zituen Ertzaintzak eta horietako bederatzik bi urteko kartzela zigor eskaerak eta isunak jaso zituzten uda hasieran. Urrian eta abenduan epaituko dituzte.

Sara Arruabarrena Azkarate @s8ara
2016ko irailaren 23a
2015eko maiatzaren 17an herri harresia osatu zuten ehunka lagunek Gasteizen, hiru gazteen atxiloketa ekiditeko.

2010ean 28 gazte atxilotu zituen Espainiako Poliziak, Segiko kide izatea egotzita. Askok torturak salatu zituzten. 2014an epaia jaso zuten eta Auzitegi Nazionalak haietako zazpi zigortu zituen. Tartean, Aiala Zaldibar, Igarki Robles eta Ibon Esteban, seina urteko kartzela zigorrarekin. Desobedientziaren bidea aukeratu zuten eta 2015eko maiatzaren 17an herri harresia osatu zuten ehunka lagunek Gasteizen, hiru gazteen atxiloketa ekiditeko.

28 gazteen aurkako epaiketak urtarrilean amaitu ziren eta aske dira denak, errugabeak zirela frogatu ostean.

Herri harresian atxilotutakoen epaiketak urrian eta abenduan izango dira. Tartean da Oier Martinez del Campo gasteiztarra: urriaren 10ean epaituko dute, beste kide batekin.

Gasteizko Harresiak deituta asanblada egin zuten irailaren 21ean, datozen epaiketei erantzuteko. Mobilizazioak iragarri dituzte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: AskeGunea Gasteiz  |  Euskal Herria

AskeGunea Gasteiz kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude