Etxebizitza Turistikoen Aurkako Gida aurkeztu du Bilboko AZET Etxebizitza Sindikatuak
Etxebizitza Sindikatuak autodefentsarako tresna berri bat aurkeztu du aste honetan, etxebizitza turistikoen auziari aurre egiteko.
aurre egingo dieten hedabide independenteak
Asteartean, abenduaren 12an, Espainiako Auzitegi Gorenak auzokideen erkidegoek euren eraikinetan etxebizitza turistikoak debekatu ahal izatea onartu zuen. Hala, arlo zibileko salak Oviedoko eta Donostiako bi auzokide erkidegok aurkeztutako helegitei erantzuna emanez, gisa honetako etxebizitzak areagotzea zaildu egin du eta etorkizuneko kasuei begira aurrekari bat ezartzen du.
Alde horretatik, etxebizitza turistikoen auzia inoiz baino presenteago dagoen honetan, aipatzekoa da aste honetan bertan Bilboko eragile baten kasua. AZET Etxebizitza Sindikatuak astelehenean aurkeztu zuen “Etxebizitza Turistikoen Aurkako Gida”. Eragileko kideek azaldu dutenez, gida honek “material erabilgarria eskaintzen du komunitate batean pisu turistikoak agertzea legez eragozteko edo jada existitzen diren pisu turistikoei tasak igotzeko”.
Ibilbide luzea darama AZETek Bilboko auzokideen behar materialei erantzuten. Beraien helburu edo motibazioaren inguruan galdetuta, honela erantzun zigun, Uriolarako joan den otsailean egindako elkarrizketan, eragileko kidea den Ane Salvadorrek: “Uste dugulako horrela borrokarako baldintzak sortu ditzakegula eta klase borroka gure auzoetan territorializatu dezakegula; alegia, borroka zabalago bati ekarpen bat egitea. Hortaz, gure helburua elkarrekin borrokatzen duen komunitate politiko bat sortzea eta apurka herri boterea eraikitzen joatea izango litzateke”. Era horretan, auzokideek duten etxebizitzaren behar materialari erantzuna ematen saiatzen dira.
Aurkeztu duten gidara itzulita, turistifikazioren eragin nagusietako bati aurre egitea du helburu, etxebizitza turistikoena hain zuzen. Gogorarazi dutenez, mota horretako etxebizitzek ondorio lazgarri batzuk dakartzate: “alokairuen prezio igoera; turisten bizimodua bultzatzea, langile klaseko auzokideen bizimodua ordez; eta, azken batean, auzokideok bizi garen auzoetatik kanporatzea”.
Gidaren aurkezpenerako Twitterreko kanalera bideo bat igo dute eta gida bera deskargatzeko QR kode bat sortu dute. Horretaz gain, hurrengo asteetan horiek banatzen ibiliko dira eta hainbat ekitaldi egingo dituzte gida aurkeztu eta martxan jartzeko.
????????????? ?????? ????? ??? ????????? ????: ???? ??????????? ??????? ????! pic.twitter.com/CPnIpobu4T
— AZET Etxebizitza Sindikatua (@AzTaldea) December 11, 2023
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.