Bilboko Alde Zaharrean gaur hiru etxe kaleratze gauzatu direla salatu dute
Bilboko Erribera kaleko 9. zenbakiko bizilagunak eta AZET Etxebizitza Sindikatuak agerraldia egin dute, salatzeko hiru familia etxe kaleratu dituztela. Eraikina etxejabe handi batek erosi zuen orain hilebete batzuk, eta alokairu kontratuak iraungituta zeuzkaten familiei ez dizkiete berritu; azpimarratu dutenez, hori ere etxe kaleratzeko modu bat da. Eraikinean bizitzen jarraituko duten bizilagunek exijentziak helarazi dizkiote etxejabe berriari, borrokan jarraitzeko prest daudela adieraziz.
Bilboko Erribera kaleko 9. zenbakiko bizilagunek eta AZET Etxebizitza Sindikatuak agerraldia egin dute asteazken goizean. Hain zuzen ere, Erriberako 9. zenbakiaren parean egin dute hitzordua, etxejabe handi batek erosi duen eraikinaren ateetan. Salerosketaren ondorioz, urteetan beren etxebizitza izandakoa utzi beharko dute hiru familiek asteazkenean. Etxe kaleratzeak direla salatu eta jabe berriari zenbait exijentzia helarazi dizkiote, bertan bizitzen jarraituko baitute hiru familiak.
Orain hilabete eman zituen ezagutzera kasuaren zehaztapenak AZETek: Erribera kaleko 9. zenbakia jabe handi batek erosi ostean, bertan bizi ziren bizilagunak arriskuan ziren. Batzuk iraungitako alokairu kontratuak zituzten, eta jabe berriak ez dizkienez berritu, epe-laburrean alde egin eta bizitzeko alternatiba bat bilatu beharrean ikusi dira. Hiru familiaren kasua da hori, eta abenduaren 15ean alde egingo dute beren orain arteko bizilekuetatik. Gainontzeko hiru familien kasuan, kontratuak indarrean dituzte, baina beren etorkizun hurbilari dagokionez ziurgabetasuna da nagusi; "Itxura guztien arabera, jabetza berriak edozer egingo du haiek botatzen saiatzeko, haien alokairuak (kasu batzuetan alokairu zaharrak direnak) alokairu altuagoengatik ordezkatuz", adierazi zuen azaroan AZETek. Hala bada, beren etxebizitzak ere arriskuan egon zitezkeenaren susmoarekin, AZET sindikatura batu eta borroka abiatu zuten.
Borroka horren baitan egin dute asteazkenenko agerraldia, hiru familiak beren gaur arteko etxebizitzetatik alde egingo duten egunean, gertakaria bistaratu asmoz. Familia horien egoera jarri dute lehen lerroan, salatzeko etxe kaleratuak izan direla. Izan ere, azaldu dute etxe kaleratzeak gauzatzeko modu askotarikoak daudela, eta honakoa horietako bat dela, sotilagoa bada ere. "Gure kasua estatistika ofizialetan agertuko ez den etxe kaleratzea izan da, beste hainbat bezala. Etxegabetze sotilak dira, oharkabean pasatzen direnak, inpunitate osoz gauzatzen direnak eta instituzioen babes osoarekin exekutatzen direnak", salatu dute.
Salerosketan bitartekari lanak egin izanagatik Somera higiezinen-agentzia ere seinalatu nahi izan dute. "Jabe handiak, higiezinen-enpresak eta espekulatzaileei alfonbra gorria jartzen dieten instituzioak txanpon beraren aldeak baino ez dira".
Jabe berriari exijentziak
Alde Zaharreko "enegarren espekulazio operazioa" salatzetik harago, eraikinaren jabe berriari exijentziak helarazteko ere baliatu dute agerraldia. "Borrokan eta tinko jarraitzen dugula adierazteko ere bagaude hemen". Hiru familiak eraikinean bizitzen jarraituko dutenez, eskatu dute horien aloikairu kontratua bere horretan errespetatzea, bai iraupenari dagokionez, bai alokairuaren prezioari dagokionez. Kontrako kasuan gertatuko litzatekeena argi adierazi dute: "Ez dugu ezkutuko beste etxegabetzerik onartuko, ezta alokairuaren prezioaren igoerarik ere". Horrekin batera, eraikina birkalifikatzeko eta eraberritzeko obra guztiak egungo auzokideekin adostea ere exijitu dute, "bizitza eta egunerokotasuna oztopatu gabe".
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.