Berriro ere prozesio antiabortistari aurre egiteko deia zabaldu dute Donostian larunbaterako
Larunbatean maiatzak 7, mugimendu antiabortistak berriro ere Amara Zaharreko Askabide klinikara prozesioa antolatu duela eta, aurre egiteko deia zabaldu du mugimendu feministak.
Mezularitza aplikazioen bidez zabaldu duten mezuan gogoratu dute egitasmo hau legez kanpokoa dela, 4/2022ko apirilaren 12ko legearen arabera.
Horrenbestez, dei egin dute larunbatean "Rezar no es delito" (errezatzea ez da delitua) lelopean egingo duten prozesioari aurre egitera eta beren prozesioa baino ordubete lehenago deialdia egin dute Easo plazan. "Oraingoan ez dira pasako!", diote.
Aurreko hilabetean helburu berarekin martxa egin zuten, eta Irutxuloko Hitzak jaso zuenez, eskuin muturreko Vox alderdiko kideak izan ziren bertan, tartean, Juan de Dios Davila, Gipuzkoako Vox-eko hautagaia. Abortatzeko eskubidearen aurkako mezuak zabaldu eta mezu matxistak erakutsi zituzten Koldo Mitxelenatik klinikaraino egindako ekitaldian. Tentsio handia izan zen Askabide klinikaren aurrean, Irutxuloko Hitzak eginiko bideoan ikus daitekeenez.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".