Beranduegi web telebista, Karlos Zurutuza eta Miren Garate, aurtengo Rikardo Arregi saridunak

  • ARGIAren Beranduegi web telebistak Rikardo Arregi Kazetaritza Sarietako Epaimahaiaren Aipamen Berezia jaso zuen larunbatean. Sari Nagusia Karlos Zurutuza kazetariak jaso du, Kazetari Berria Saria Miren Garatek, Ohorezko Aipamena Mattin Lartzabal Gure Irratiko esatariak eta Aipamen Berezia Sautrela telebista saioak. Sariok banatzen dituen Andoaingo Udalak Jose Luis Alvarez Enparantza Txillardegi gogoan hartzea erabaki du aurtengo edizioan.

2012ko ekainaren 30a
Beranduegiko aurkezle Gorka Bereziartua eta Unai Brea.

Sari Nagusia: Karlos Zurutuza

"Arabiar oldarraldiak Libia eta Iraken" gaiaren inguruan 2011ko ekainetik 2012ko apirila bitartean ARGIAn eta Berrian argitaratutako erreportajeak saritu ditu epaimahaiak.

Epaimahaiaren Sari Berezia: Beranduegi

Ekimen hau ARGIAren multimedia garapenerako "aurrerapauso garrantzitsua" eta "ausardiaren eredu" dela nabarmendu dute epaimahaikideek.

Kazetari Berria ataleko saria: Miren Garate

2011ko azarotik 2012ko martxora bitartean Berria egunkariko "Egitura" gehigarrian ekonomiaren gainean argitaratutako bost erreportaje saritu ditu epaimahaiak, zehazki horietako bi nabarmendu direlarik: Iluna tunela amaitutakoan (2011-11-20) eta Presaka, eta hankamotz (2011-12-30)

Ohorezko Aipamena: Mattin Lartzabal

Euskal kazetaritzaren aitzindari izan direnen traiektoria aitortu ohi du Ohorezko Aipamenak. "1982an, Frantzian, uhin erradiofonikoak askatu zirenean, orduan esaten zenez, lehen aldizkoz lau haizetara euskal irrati baten ahotsak zabaldu ziren Iparraldean, Gure Irratiarenak alegia. Gaur egun boz 'historikoak' bilakatu direnen artean, Mattin Larzabalena daukagu", diote epaimahaikideek.

Aipamen Berezia: Sautrela

Apirilaren 8 gauean bukatu zen Sautrela ETB1eko saioa. Epaimahaiak "Gora Sautrela!" aldarrikatu du ia hiru hilabete geroago: "12 urte, 351 saio; ibilbide luze bezain oparoa izan da nagusiki euskal literaturaren gainean ETBk eskaini duen literatur programa gozo, aberats eta eredugarri hau".

______________________________

Ikusi Beranduegiren azken saioa:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-02-17 | Adur Larrea
Ez hanka ez buru
Bikoizketaz haratago

2019-02-17 | Amaia Lekunberri
Brigitte Vasallo
"Nahikoa da, utzi maitasun erromantikoaren propaganda egiteari"

“Lagunak baino ez gara” esaldiaren gisakoak adibidetzat, monogamia harremanak hierarkizatzen dituen sistema piramidala dela defendatzera dator Brigitte Vasallo (Bartzelona, 1973) bere azken argitalpenarekin. Oveja Roja argitaletxearekin Pensamiento monógamo, terror poliamoroso (Pentsamendu monogamoa, polimaitasun terrorea) saiakera aurkeztu berri du idazle eta ekintzaile feministak. Monogamiaz, polimaitasunaren desbideraketa neoliberalaz eta harremantzeko paradigma berrien... [+]


Amarruen hiriburu

Urtebetez espetxeratu zuten Alfredo Ramirez txioak idazteagatik. Beste urtebetez izan da kartzelan Julen Ibarrola, errotuladorez kalean margoketa bat egiteagatik. Galder Barbado eta Aitor Zelaia espetxeratu dituzte 2014 eta 2015ean inoiz gertatu ez ziren erasoak egiteko “materiala gordetzeagatik”.


2019-02-17
ARGIAk zubereraz mintzo den ingelesa fitxatu du kontalari bezala, Ertzaintzarekikoak bideratzeko

Dylan Denny-Stearn Inglis gaztea proposatu dute ARGIAko kazetari bipilek Ertzaintzarekin errelatore lanak egiteko, bi aldeen arteko hizkuntza-gatazka bideratzeko.


2019-02-17
Maduro Venezian egiten ari dena "super gaizki" iruditzen zaio Gazteako esatari bati

“Veneziako diktadura” egiten ari den basakeriak ikusita, ezin duela gehiago isilik egon erabaki du Gaztea irrati-formulako Garazi Mondragon esatariak eta asteleheneko Dida Gaztea saioan Nicolas Maduroren kontra hitz egiteari ekin dio.


"Hizkuntz eskubideak bermatzen ez dizkiguten artean talka egongo da"

Arkaitz Zarraga eta Eneka Alvarez. Beren burua zurrunbilo mediatiko biren erdian aurkitu duten bi euskaldun ditugu. Biei administrazio publikoak hizkuntza eskubideak urratu dizkie, eta biek amaitu dute isun banarekin, gaztelania dotorean idatzita. Izebergaren punta dira, arreta deitzea lortu duten bi kasu, egunerokoan salatu gabe eta modu ikusezinean gertatzen diren euskaldunon aurkako erasoen multzo zabalean.


Eguneraketa berriak daude