Beñat Gaztelumendik irabazi du Azkoitiko final-laurdena
Gipuzkoako Bertsolari Txapelketaren azken final-laurdena jokatu da azaroaren 2an Azkoitiko Baztartxo Antzokian; final-erdietarako zuzeneko txartela eskuratu du Gaztelumendik.
Azkoitiko Baztartxo Antzokian jokatu da azaroaren 2an Gipuzkoako Bertsolari Txapelketaren bosgarren eta azken final-laurdena. Sarrerak agortuak zeuden aurrez eta aretoa bete-bete egin da saio honetan ere.
Kantuan, hurrengo sei bertsolariak aritu dira:
Beñat Gaztelumendi Arandia
Mikel Artola Izagirre
Ane Labaka Mayoz
Ander Lizarralde Jimeno
Maialen Akizu Bidegain
Ane Zuazubiskar Iñarra
Beñat Gaztelumendik lortu ditu puntu gehien, 475 puntu. Beraz, azaroaren 24an Oiartzunen jokatuko den final-erdian kantatuko du. Hauek dira gaurko saioan bertsolariek lortutako puntuazioak:
Beñat Gaztelumendi Arandia.....475
Ane Labaka Mayoz......................455
Maialen Akizu Bidegain..............443,5
Ander Lizarralde Jimeno.............442,5
Mikel Artola Izagirre.....................425
Ane Zuazubiskar Iñarra...............424
Aurkezle lanetan Ion Zaldua Brit aritu da eta epaimahaiko kideak hurrengoak izan dira: Maite Sukia Olano, Zigor Leunda Eizmendi, Amaia Otxotorena Gamio, Oihana Aranguren Etxaniz eta Mikel Beloki Urkizu. Idazkari lanetan, berriz, Joxemari Altuna Berridi eta Gorka Segurola Dorronsoro aritu dira.
Xabier Gaztelumendik jantzi dio entzuleen txalo artean, Agin Labururekin buruz-burukoa jokatuta. 6.000 lagun elkartu dira abenduaren 14 arratsaldean Donostia Arenan, Gipuzkoako Bertsolari Txapelketaren finalean.
"Urte luzetan egindako lan isila" aitortu eta eskertzeko hautatu du Gipuzkoako Bertsozale Elkarteak Xabier Gaztelumendi, irabazleari txapela jantzi diezaion. Bertsoa.eus webgunean egin dioten elkarrizketan "ohorea eta harrotasuna" sentitu dituela adierazi du:... [+]
Abenduaren 14an Donostia Arenan (Ilunben) jokatuko da Gipuzkoako Bertsolari Txapelketa. Abenduaren 1ean Tolosan jokatu da hirugarren finalaurrekoa, eta bertan erabaki da zein zortzi bertsolari arituko diren finalean. Lehen aldiz launa gizon eta emakume arituko dira Gipuzkoako... [+]
Gipuzkoako Bertsolari Txapelketaren finalaurrekoa jokatu da azaroaren 24an Oiartzungo Elorsoro kiroldegian; finalean izango da Gaztelumendi abenduaren 14an.