Oihana Iguaranek irabazi du Azpeitiko final-laurdena
Gipuzkoako Bertsolari Txapelketaren final-laurdena jokatu da urriaren 27an Azpeitiko Soreasu Antzokian; final-erdietarako txartela lortu du Iguaranek.
Azpeitiko Soreasu Antzokian izan da urriaren 27an Gipuzkoako Bertsolari Txapelketaren final-laurdena. Sarrerak agortuak zeuden aurrez eta aretoa bete-bete egin da saio honetan ere. Sei bertsolari aritu dira kantuan:
Alaia Martin Etxebeste
Oihana Iguaran Barandiaran
Nerea Elustondo Plazaola
Iñigo Mantzizidor Larrañaga
Iñaki Gurrutxaga Zubimendi
Amaia Iturriotz Etxaniz
Oihana Iguaranek lortu du puntu gehien, 485,5 puntu. Beraz, abenduaren 1ean Tolosan jokatuko den final-erdian kantatuko du. Hauek dira saioan bertsolariek lortutako puntuazioak:
Oihana Iguaran Barandiaran.......485.5
Iñigo Mantzizidor Larrañaga........484
Nerea Elustondo Plazaola..........476.5
Alaia Martin Etxebeste................475
Amaia Iturriotz Etxaniz................463.5
Iñaki Gurrutxaga Zubimendi........421
Aurkezle lanetan Imanol Artola Arretxe aritu da eta epaimahaiko kideak hurrengoak izan dira: Maite Sukia Olano, Zigor Leunda Eizmendi, Amaia Otxotorena Gamio, Oihana Aranguren Etxaniz eta Mikel Beloki Urkizu. Idazkari lanetan, berriz, Joxemari Altuna Berridi eta Silvia Etxaniz Alberdi aritu dira.
W
Xabier Gaztelumendik jantzi dio entzuleen txalo artean, Agin Labururekin buruz-burukoa jokatuta. 6.000 lagun elkartu dira abenduaren 14 arratsaldean Donostia Arenan, Gipuzkoako Bertsolari Txapelketaren finalean.
"Urte luzetan egindako lan isila" aitortu eta eskertzeko hautatu du Gipuzkoako Bertsozale Elkarteak Xabier Gaztelumendi, irabazleari txapela jantzi diezaion. Bertsoa.eus webgunean egin dioten elkarrizketan "ohorea eta harrotasuna" sentitu dituela adierazi du:... [+]
Abenduaren 14an Donostia Arenan (Ilunben) jokatuko da Gipuzkoako Bertsolari Txapelketa. Abenduaren 1ean Tolosan jokatu da hirugarren finalaurrekoa, eta bertan erabaki da zein zortzi bertsolari arituko diren finalean. Lehen aldiz launa gizon eta emakume arituko dira Gipuzkoako... [+]
Gipuzkoako Bertsolari Txapelketaren finalaurrekoa jokatu da azaroaren 24an Oiartzungo Elorsoro kiroldegian; finalean izango da Gaztelumendi abenduaren 14an.