Baztandarren biltzarra ingurumenarekin eta jasangarritasunarekin bertze urte batez
Igande honetan ospatuko den Baztandarren eta eskuararen besta haundian hondakinen prebentzioaren alde eginen dute antolatzaileek Baztango Udalaren eta Nafarroako Hondakinen Partzuergoaren laguntzaz
aurre egingo dieten hedabide independenteak
Azken urteotan zentzu edo norabide honetan pausu haundiak eman badira ere, antolatzaileendako ez da nahikoa eta aurtengoan ere besta erraldoi honek sorturiko hondakinen kudeaketa hobetze bidean aitzinpausuak ematen jarraituko dute antolatzaileek Baztango Udalaren eta Nafarroako Hondakinen Partzuergoaren laguntzari esker. Indarrean sartu berri den Hondakinen Foru Legeari so eginez hondakinen prebentzioari garrantzi berezia eman nahi izan diote aurtengo ekitaldian.
Hondakinen prebentzioa hondakinak murrizteko edo hauek ingurumenari eragiten dioten kaltea murrizteko joerari deritzaio. Hala bada, “Edalontzia berrerabili, bestan zurekin ibili” lelopean, edalontzi berrerabilgarrien erabilera sustatzen jarraituko du antolakuntzak baina ez da hau izango hondakin guttiago sortzeko erabiliko den ontzi mota bakarra, orain arteko plastikozko kaferako edalontzi edo tazak ere edalontzi berrerabilgarriez ordezkatuko dira eta ura ia ez da erabili eta botatzeko plastikozko botiletan zerbitzatuko, hauek pitxer berrerabilgarriez ordezkatuak izanen bait dira. Edalontzi eta pitxer hauek berrerabilgarriak direnez garrantzitsua da hauen erabilera egokia egin eta behar den bezala itzultzea, helburua bete eta hurrengoetarako erabilgarri egon daitezen. Prebentzioaz gain, duela urte batzuk hasitako hondakinen sailkapen bideari jarraituko zaio. Aurtengoan ere bazkarian sortutako hondakinak gaika sailkatzeko edukiontziak paratuko dira eta nola ez, duen garrantzia ikusirik, gai organikoaren bereizketan sakontzen jarraituko da. Laguntzen eta zerbitzatzen arituko den jendeari hondakinak era egokian bereizteko argibideak eta afitxak emanen zaizkie, edukiontzi bakoitzean bota beharreko hondakinen irudiak paratuko dira eta megafonia baliatuz ere egunean zehar hondakinen kudeaketa egoki baten aldeko mezuak bidaliko dira herritarren partehartzea eskatuz. Orgek sorturiko hondakinak ere era egokian kudeatzeko aholkuak eta erraztasunak eman zaizkie aurtengoan antolatzaileei.
Albiste hau erran.eus-ek argitaratu du eta CC-by-sa lizentziari esker ekarri dugu ARGIAra.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Bero boladek, haizeak eta lehorteek suteak pizteko aukerak bikoiztu dituzte Europan. Portugal, Espainia, Grezia eta Turkia pairatzen ari dira suterik handienak. Milaka suhiltzaile eta herritar ari dira suaren kontra borrokan Europa hegoaldeko herrialdeetan.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Larunbat gauean hasi zen sutea Zarrakaztelu eta Figerol lotzen dituen errepideko pinudi batean. Herritarrentzat arriskurik ez dago momentuz, gobernuak adierazi duenez. Gizakiek eragindako sutea dela jakinarazi du gobernuak.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.