Bardeetan aste osoan maniobra militarrak: Izquierda-Ezkerrak bertan behera uztea eskatu du
Abuztuaren 24tik 28ra maniobra militarrak burutuko ditu Espainiako Armadak Bardeetako (Nafarroa) tiro poligonoan. Izquierda-Ezkerra alderdiak Espainiako Gobernuari eskatu dio ariketa militarrok bertan behera utzi eta poligonoa eraistea.
Bardea aireko maniobra militarretarako agertoki izango da beste behin ere heldu den astelehenetik ostiralera, eta Izquierda-Ezkerrak Espainiako Gobernuak Nafarroan duen Ordezkaritzari eskatu dio maniobra horiek bertan behera uzteko eta Tiro Poligonoa ixteko, bai eta eskaera Margarita Robles Espainaiko Defentsa ministroari helarazteko ere.
Bardea parke natural izendatu zuten 1999an, eta 2000n, Unescoren Biosferaren Mundu Erreserba, Hegaztientzako Babes Bereziko bi Eremu eta hiru erreserba natural baititu. Hori dela eta, Izquierda-Ezkerrak ulertezintzat jotzen du hain balio handiko espazio batek tiro poligono bat izatea, habitatak suntsitzen dituena eta inguruko biztanle nahiz bisitarientzat arriskuak dakartzana.
Bestalde, maniobrek gastu handiak dakartzatela salatu dute, eta covid-19aren krisiak
diru hori ahulenengan eragin dituen ondorio negatiboak arintzeko erabil ditzatela exijitu dute.
Aukera gehiago Madrilen
Koalizioaren arabera, gainera, eskaera une "gako" batean dator; izan ere, Espainiako Gobernuan PSOE eta Undidas Podemos izanda, aukera gehiago ikusten dituzte aintzat hartua izan dadin. Hala ere, urte luzez errepikatu den eskakizuna dela gogorarazi dute, eta babes eta ekimen falta salatu. Oraingoan, ordea, erantzuna iristea espero dute.
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama. Azken indusketa honek ez du, berriki hildako... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Droneen ekoizpena gorantza doan industria da, eta Turkia gerrarako droneen fabrikatzaile eta esportatzaile handienetakoa bihurtu da. Haien produktu izarra Bayraktar TB2 da. Modu autonomoan aireratu, lurreratu eta nabigatu dezakeen drone bat, baina giza operadore baten mende... [+]
1950eko hamarkadan, AEBetako armada droneak erabiltzen hasi zen gatazka guneetan zaintza eta errekonozimendu misioetarako. 1994ko uztailaren 3an izan zen Predator dronearen lehen hegaldia, armatuta egon gabe. 1995eko uztailean, Predatorrek Balkanen gainetik egin zuen hegan... [+]