Barakaldon familia bat etxetik bota nahi dutela salatu dute
Asteartean elkarretaratzea egin dute Barakaldon eta, azaldu dutenez, 41 urteko emakume bat eta haren lau seme-alabak utzi nahi dituzte etxerik gabe. Maiatzaren 21erako dago ezarrita kaleratze-agindua.
Argitan eta Berri Otxoa elkarteek gaurko konzentrazioan salatu dutenez, familia bat etxegabetu nahi dute Barakaldon (Bizkaia). Hain zuzen, 41 urteko emakume bat eta haren lau seme-alabak kaleratu nahi dituzte. Adin txikikoak dire horietako hiru.
Emakumeak bortizkeria matxista pairatu du aurretik. Gaur egun Alokabideren etxebizitza publiko batean daude aterpetuta bera eta bere lau seme-alabak; dena den, kaleratu egin nahi ditu Alokabidek, eta auzitegiak maiatzaren 21erako ezarri du etxegabetzea.
Gaurko elkarretaratzean salatu duten gisan, emakumeak "asteak" daramatza herriko udal zerbitzuekin zein bestelako instituzio publikoekin eztabaidan, baina inork ez dio irtenbiderik mahaigaineratu.
Berri Otxoaren arabera, 2012tik hona 1.800 etxegabetze inguru izan dira Barakaldon, batez beste, lau astean. 2012an egitekoa zen, hain zuzen, Amaia Egañaren kaleratzea Barakaldon. Bere buruaz beste egin zuen etxerik gabe geratu baino lehen.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
