Hitzordua 17:30ean jarri dute Bizi! eta Txirrind’Ola elkarteek. Horrez gain, Baionako auzapezak etxegabeen aurka harturiko erabakiaren kontrakoek ere deitu dute elkarretaratzera, Baionako auzapeza presionatzeko.
Baiona Miarritze eta Angelu lotzen dituen bizikleta bidearen geroaz erabakitzeko bilera dute urriaren 13 honetan 17:30ean Baionako Arteen Hirian. Hori horrela, bide hauen mantentzea exijitzeko elkarretaratzera deitu dute Bizi! eta Txirrind'Ola elkarteek.
Hain zuzen, Angeluko eta Biarritzeko auzapezak urriaren bukaerako "koronapistak" deitu bide hauen kentzearen alde liratekela jakin berri dute bi elkarteek. Hori horrela gertatzen balitz, "gibelkada larri eta onartezina" litzatekela salatzen dute ekologistek. Mezu hau entzunarazteko elkarretaratzea eginen dute arratsalde honetan, Mugikortasunen Sindikatuarekin batera udalek egitekoa duten bileraren kari.
Ez da mobilizazio bakarra izanen. Hain zuzen, Jean-Rene Etxegarai Baionako auzapeza bertan egonen delako, etxegabeen kontra hartu duen erabakiaren kontrako elkarretaratzera deitu du herritar talde batek.
Etxegabeen kontrako neurri zorrotzak hartu zituen Baionako auzapezak irailaren 18ko erabakiaren bidez. Besteak beste, Baiona Ttipia, Baiona Handia eta Santa Izpiritu auzoetan lurrean jartzea eta etzatea debekatua zaie. "Aspaldian abiaturiko gentrifikazio prozesuaren baitako urrats berri bat" dela salatu dute protestaren antolatzaileek.
Hiriak nola elikatu? Horra Egonarria saioan Eli Pagolak Audrey Hoc laborariari luzatu dion galdera. Hoc-ek, bere lagun Aimar Rodriguezekin batera, fruitu arbolak ekoizten ditu, Etxalarren baso jangarria dauka eta Biriatuko udalarekin elikadura burujabetzaren estrategia martxan... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Txina, 1417 urte inguruan. Zheng He almiranteak, Ming dinastiako enperadoreen soldatapeko esploratzaileak esan zuen posible zela “mundu osoa ibiltzea Txinatik irten gabe”. Ordurako Indiako Ozeanoan, Itsaso Gorrian eta Asiako hego-ekialdean zabaltzen hasia zen kolonia... [+]
Uliako auzo elkarteak eta SOS Manteo plataformak herri galdeketa egin dute asteburuan. 6.948 lagunek hartu dute parte, eta 6.486 parkeak babestearen alde agertu dira.
Gipuzkoa Nafarroako Erresumatik aterarazi eta Gaztelarentzat konkistatu zuen Alfonso VIII. erregearen omenezko kaleari izena aldatuko diote. Horren partez, “17 emakume" deituko da kale hori, frankismoaren lege matxisten aurka borroka egin zuten herriko emakume batzuen... [+]