ARGIA.eus

2022ko maiatzaren 20a

Azken zenbakia argitaratu du 'Aldiri' arkitektura aldizkariak

  • Hamabi urteko ibilbideari itxiera emango dio Aldiri arkitektura aldizkariak. Kalean da dagoeneko 45. eta azken zenbakia, Epilogoa izendatu dutena.

'Aldiri' aldizkariaren 42. zenbakiaren azala
ARGIA @argia
2022ko otsailaren 02a

Iazko ekainean eman genuen Aldiri arkitektura aldizkariaren agurraren berri, eta hilabete batzuk pasa diren honetan, kalean da jada proiektuari itxiera emango dion zenbakia. 45. zenbakia izango da azkena, eta Epilogoa izendatu dute. Bertan, aldizkariaren ibilbidea gertutik jarraitu duten autoreen ekarpenak jaso dituzte.

Arkitektura "gizartea eraldatzen" duen diziplina dela jabetuta eta euskaraz sortu nahi zutelako ekin zioten 2009ko uztailean Aldiri. Arkitektura eta Abar aldizkaria argitaratzeari, Ibai Gandiaga eta Unai Fernandez de Betoño arkitektoek. Hastapen haietan ziotenez "guk irakurri nahiko genuken aldizkaria idatziz orain arte zegoen hutsunea" bete nahi zuten.

Proiektuari amaiera emateko arrazoiak ez dituzte aipatzeke utzi, eta " papereko formatuaren gainbehera" zein " idazle falta" aipatu dituzte. Azken arrazoi horrekin loturan, hala adierazi dute: "Azken urteotan zaila egin zaigu paper-ak jasotzea, norbaiti tiraka ibili garen sentsazioa izan dugu sarritan. Izan daiteke euskaraz arkitekturaren inguruko gaiez hainbeste ez dela idazten, eta urtean lau ale argiratzeko material urria dugula pentsatu dugu". Aspektu horrekin loturan, aipatu nahi izan dute, baita ere, idazleei egindako kritikak minez jasoak izan direla maiz: "Aldizkari zientifikoa zer den eta nola funtzionatzen duen agian ez dago oso zabaldua, eta idazleak kritika jasotzea ere mingarria suertatu da kasu batzuetan. Lehen esan bezala, iritzi-artikuluak eta artikulu zientifikoak onartu izan ditugu Aldirin. Zientifiko moduan argitaratzeko baina, ikerketa arrazoitua izatea eskatu izan dugu, ikerketa-aurrekariak, garapena eta ondorioak argi adierazi beharraz. Hori garatzea zaila izaten da arkitektura eta ingurukoetan, zeinetan subjektibotasunak indar handia hartzen duen. Are gehiago gure herrian, zeinean ideologiari loturiko lerratzeek pisu handia izan duten".

Horri guztiari batu zaio azken urteetan prozesua forma edota emaitza baino garrantzia handiagoa hartzen joan izana, eta baliabideak helmugak baino pisu gehiago hartu izana. "Aldiri helburu batekin jaio zen, arkitekturari buruz euskarazko materiala edukitzea, sortzea eta biltzea. Beharbada orain euskaraz aritzea izan daiteke helburua, alegia, prozesua bera euskaratzea".

"Eginikoarekin pozik eta harro", eta etorkizunari baikor begiratuz eman diote amaiera proiektuari. Izan ere, posible ikusten dute aurrera begirakoan antzerako proiektu batek agerpena egitea, eta halakorik pozez hartuko luketela aurreratu dute.

Ez dute pertsiana guztiz jaitsi nahi izan hamabi urteotan ondoan izandako ilustrazio-, komiki- eta azal-egileei, eta UEUri eskerrak eman gabe.

Kanal hauetan artxibatua: Arkitektura  |  Euskal Herria

Arkitektura kanaletik interesatuko zaizu...
2022-05-22 | Ula Iruretagoiena
Lurraldea eta arkitektura
Arkiwashing

Ez ezazue bilaketarik egin, arkiwashing nik asmatutako hitza da, arkitektura zuritze eta soluzio huts gisa erabiltzen den uneetarako ahoratzekoa. Izan ere, eraikin publiko bat eraikitzea politika egiteko modu gisa ulertu izan da, eraikin batek bere horretan eraldaketarako pilula... [+]


Zaldibiako plaza auzolanean eta begirada berriak txertatuz ari dira diseinatzen

Herritarrak inplikatuz eta Arkitekturako ikasleen laguntzaz, bizilagun guztiak kontuan hartuko dituen plaza ari dira diseinatzen Zaldibian. Hilero arlo bati eskaintzen diote tartea: zaintzaren arkitektura landu eta espazioa ikuspegi feministatik aztertu ostean, haur eta gazteek... [+]


2022-05-08 | Ula Iruretagoiena
Lurraldea eta arkitektura
Argia itzali

Neguko hilabete hotzek elektrizitate eta gasaren fakturaren gordintzea ekarri dute, etxe askotan hirukoiztera iritsi arte –larritasunaren emotikonoa erantsi–. Igoera horrek etxeetako zein eraikin publikoetako kontabilitatean zulo bat ireki du. Eta ez omen da txantxa,... [+]


2022-04-17 | Ula Iruretagoiena
Lurraldea eta arkitektura
Agonian

Alvaro Siza, Pritzker saridun arkitekto portugesak esan berri du arkitektura agonian dela. Baieztapena justifikatzen duen argudioa da gizarteak arkitekturarekiko duen balorazio eskasa, ordainsari baxu eta merezimendu ahuletan ispilu dena. Adibidez, turismoaren erakartze... [+]


2022-04-03 | Ula Iruretagoiena
Lurraldea eta arkitektura
Emakumezko iturgina

Etxeko komuneko zisterna apurtu eta iturgin baten laguntzaren premia duzu. Hitzordua telefonoz lotu eta adosturiko orduan etxeko txirrinak jo du. Atea ireki eta emakume bat aurkitu duzu. Ziur naiz horrelako egoera baten aurrean, arrarotasun bat gorpuztuko zitzaizula, galdera eta... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude