Kataluniako 18 buruzagi independentista epaitzeko erlojua martxan jarri du Auzitegi Gorenak

  • Gorenak atzera bota ditu auzipetuen defentsek jarritako hirurehun diligentzia baino gehiago atzera bota ditu eta akusazioek euren idatziak aurkeztu ahal izango dituzte.

ARGIA @argia
2018ko urriaren 25a

Kataluniako 18 lider independentista akusatuen aulkiak eseraraziko ditu Espainiako Auzitegi Gorenak, matxinada delituaz gain desobedientzia eta malbertsazioa leporatuta.

Horien artean asko preso politikoak dira egun: Oriol Junqueras, Carme Forcadell, Dolors Bassa, Raül Romeva, Jordi Sànchez, Jordi Cuixart, Josep Rull, Jordi Turull eta Joaquim Forn. Gainerakoak, Kataluniako Legebiltzarreko mahaia osatzen zuten kide subiranistak dira: Lluís Corominas, Anna Simó, Lluís Guinó, Ramona Barrufet eta Joan Josep Nuet. Eta horrez gain Carles Mundó, Meritxell Borràs eta Santi Vila kontseilari ohiak eta Mireia Boya CUPeko diputatu ohia ere epaituko dituzte.

Carles Puigdemont eta exiliaturik dauden gainerako buruzagiak ordea ez dituzte auzi horretan epaituko, Europan babesa hartu duten herrialdeek ez diotelako Espainiari estraditatzeko baimenik eman.

Pablo Llarena epaileak hasi zuen buruzagi independentisten kontrako instrukzioa joan den urrian Parlament-ak onartutako lege eta adierazpenengatik, baita U-1eko erreferendumagatik ere. Defentsek fase hori luzatzea eskatu zuten auzipetuen aldeko froga ugari dituztela argudiatuz, baina Gorenak kolpe batez atzera bota ditu 300 diligentzia baino gehiago, "denboran luzatzea" litzatekeelako.

Fiskalak atzera egingo al du?

Atzera kontaketa martxan da. Hala, fiskaltzari eta Vox alderdi ultra-eskuindarrak osatzen duen akusazio partikularri bost eguneko epea eman die Gorenak euren kalifikazio idatziak aurkezteko.

Azaroaren 2an ikusiko da beraz fiskaltzak, Estatu Abokatuaren bidez, akusazio larriei eusten dien edo zigor eskariak murrizten dituen; matxinada delitua 30 urteko kartzelarekin zigortzen da kode penalaren arabera. Pedro Sanchez Espainiako presidenteak asteazkenean Espainiako Kongresuan zeharka aditzera eman zuen Kataluniako urriko gertaerak ezin zirela matxinada delitu bezala hartu.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
Nik esandakoa negoziatuko da

Alfonso Guerra edo Felipe González bezalako PSOEko politikari historikoek kataluniar independentistekin negoziatzeko Pedro Sanchezen Gobernuaren asmoa malguegi iruditzea lortu dute. Zer esan ba oposizio eskuindarrari buruz, zeinek negoziazioa bera Estatuak aldez aurretik ezarritako lerro gorriaz bestalde dagoen kataluniar herriaren nahietara etsitzea bezalaxe aurkeztu duen?

 


2019-02-12 | ARGIA
Urriaren 1eko erreferenduma, auzitara

Asteartean hasiko da Kataluniako hamabi buruzagi independentisten aurkako epaiketa, Espainiako Auzitegi Gorenean. Auzipetuek hamasei eta 25 urte arteko espetxe zigorrei egingo diete aurre.


Kataluniako independentismoaren aurkako epaiketa
Irregulartasunak arau

Ez dira auzipetuen abokatuak Kataluniako prozesu independentistaren aurkako prozesuan izandako irregulartasunak eta oinarrizko eskubideen urraketak salatzen dituzten bakarrak. Espainiako Estatuko zuzenbide-alorreko 120 unibertsitate-adituk ere salatu dituzte gertakariok manifestu baten bidez. “Matxinada eta sedizio-delituen banalizazioa” goiburukoa daraman testuan diotenez, ez zen egon fiskaltzak eta Auzitegi Gorenak deskribatutako tipo penaletan jasotako indarkeriarik, ez 2017ko... [+]


2019-02-08 | ARGIA
Gure Esku Dagok mobilizazioak antolatu ditu, Madrilen epaituko dituzten independentista katalanen alde "kaleak horiz janzteko"

Erabakitze eskubidearen aldeko dinamikak manifestazioa egingo du Donostian, otsailaren 17an, eguerdiko 12:00etan.


2019-02-03 | Karmelo Landa
Demokraziaren tolesturak

Katalunian tolesten da demokrazia espainiarra. Hartu du hitza Miquel Iceta sozialistak Bartzelonan eta dio Espainia ahalik eta aurrerazaleena, demokratikoena eta pluraltasunaren aldekoena interesatzen zaiola Kataluniari. Une berean, mintzatu da Extremadurako presidentziatik Fernandez Vara sozialista, eta dio Katalunian berehala 155 artikulua ezarri behar dela indarrean, eta TV3 eskuz aldatu, Espainiaren demokraziaren onerako. Ezkondu horiek, biak direnean sozialista Espainia zaleak... [+]


2019-01-31 | ARGIA
CDR-ek irekitako ordainsarietatik pasatzea ez da "terrorismoaren biktima" izateko nahiko argudio

Terrorismoaren Biktimen Babeserako Zuzendaritza Orokorrak idatziz kontsultatu zion Estatu Segurtasunerako Idazkaritzari, ea 2018ko Aste Santuko itzulera operazioan ordainsariak altxatzeak eragin zien pertsonak erakunde terroristaren biktima gisa har zitezkeen ala ez. La Directako Jesús Rodriguezek sinatutako artikuluan irakur daiteke ezetz erabaki dutela.


2019-01-23 | ARGIA
Independentisten arteko ika-mika Katalunian: Puigdemontek Konstituzionalean Torrenten aurka egin du

Urak nahasita datoz Katalunian: Carles Puigdemontek, atzerriratutako Generalitateko presidenteak, errekurtsoa jarri du Roger Torrent Kataluniako parlamentuko lehendakariaren kontra Espainiako Auzitegi Konstituzionalean, parlamentuko mahaiak boto delegaturako aukera ukatu diolako.


Herri harresia egin zuten Gironako Unibertsitatean atxiloketa gehiago saihesteko

16 lagun atxilotu ditu Espainiako Poliziak aste honetan, 2017ko urriaren 1eko erreferendumaren urteurrenean egindako ekintzekin lotuta. Mobilizazioak eta protestak egin dituzte asteazkenean Gironan.


Carles Puigdemont i Casamajˇ
"Gutxietsi egin genuen Espainiaren izaera autoritarioa"

Hamabi urte joan dira azkenekoz berarekin izan ginenetik. Belgikako Waterloora bidean irudi asko datozkigu burura arrapaladan: Puigdemont kazetaria, prozesuaren ilusio, indar eta etsipenekoak, Corrandes d’exili haren oihartzun mingotsak –“ez naiz herriminez hilko, herriminez biziko naiz”–, Espainiaren mendekua… Wellingtonek Napoleon garaitu zuen zelai haien ondoan ireki zaizkigu Kataluniako Etxearen ateak eta Kataluniako Gobernuko lehendakariak beso zabalik... [+]


2019-01-09 | Uriola.eus
Jordi BorrÓs fotokazetaria Bilbon izango da 'Dies que duraran anys' liburua aurkezten

Hurrengo larunbatean, urtarrilaren 12an, Alternatibak Bilboko Hika Ateneora eramango du Jordi Borràs fotokazetariaren Dies que duraran anys (Urteetan iraungo duten egunak, Ara Llibres, 2018) liburuaren aurkezpena.


Eguneraketa berriak daude