Sud Ouest egunkariak eman du autopsiaren berri. 23 urteko gaztea irailaren 13an aurkitu zuen hilda bikotekideak amaren etxean.

Bikotekideak aurkitu zuen hilotza emakumearen amaren etxean. Eskuak eta hankak lotuta zituen, ahoan mozala, eta begiak estalita. Aurpegian berriz, ubelduak. Baionako prokuradoreak prentsaurrekoan adierazi du hilketa oso bortitza izan dela.

Bikotekidea ospitalera eraman zuten shock egoeran eta ondoren galdeketa egin zioten. Berak esan duenez, Bordelen erizaintza ikasten ari zen neska zortzi hilabeteko zegoen eta bera zen umearen aita. Bikotekidea ere Bordelen ari da ikasketak egiten.

Paueko eta Baionako poliziak ari dira hilketa ikertzen eta adierazi dute hipotesi guztiak irekita daudela.