Askatasun garrasi erraldoia Kataluniatik
Azken urteko gertakarien ostean, mugimendu independentistak indar erakustaldia egin du Bartzelonako arteria nagusian, erresistentzia eta batasun mezua bidaliz trabatutako agertoki politiko posible baten aurrean. Urriaren 1eko erreferendumaren osteko lehen Diada egunean, Errepublikaren aldarrikapena eta aurreko gobernuko lider nagusien espetxeratze eta erbestealdiak salatu dituzte.
ANCk deitutako manifestazioak sobera bete du bere buruari jarritako erronka, Bartzelonako geografia alderik alde gurutzatzen duen pertsona masak Diagonal betetzea, La Directan irakur daitekeenez. Aurretik publiko eginak zituzten adierazleek iragartzen zuten helburua beteko zutela: ANCren webgunean aurretik izen emandako 460.000 lagunek eragin zuten erakundeak berak astelehenean betetzat ematea ibilbideko 38 eremuak, Herrialde Katalanetatik hiriburura joandako 1.500 autobusak edo 240.000 kamiseta ofizialen salmenta, batzuk aipatzearren.
Antolatzaileek bidali duten mezu nagusia independentzia aldarrikapena indarrean jartzeko eskaera izan da (hortik leloa "fem republica catalana"), preso politikoen askatasun eskaeraren aurretik. Hala ere, ikonografia independentista hutsa nagusi izan den arren, lazo hori asko eta preso eta iheslarien aldeko mezu ugari ikusi ahal izan dira.
Jarraian 17:14ean garrasiak Diagonal etorbidearen alde batetik bestera zeharkatu duen unea.
Onada 17:14h Diagonal-Francesc Macià #DiadaRAC1 #diada2018 #xifresdiada pic.twitter.com/P2JyJYUa2n
— Miriam Diaz Muñoz (@Miriamdiazmunoz) 2018(e)ko irailaren 11(a)
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]