Arte Eszenikoen Goi Mailako Eskola 2015erako iragarri du Jaurlaritzak
EAEko Arte Eszenikoen Goi Mailako Eskola 2015ean zabalduko dutela iragarri du Cristina Uriarte Eusko Jaurlaritzako Hezkuntza Sailburuak. Ez da eraikinik altxatuko; zentroak Bilboko Juan Crisostomo Arriaga Kontserbatorioan eta Ibarrekolanda institutuan izango du egoitza, hasiera batean behintzat. Dantza eta antzerkia ikasketak eskainiko ditu lehen urtean.
Ez da Jaurlaritza batek goi mailako eskola horren sorrera iragartzen duen lehenengo aldia. Aurreko guztietan asmoak zapuztu egin dira, baina oraingoan iragarpenak sinesgarritasuna badaukala adierazi digu Eszenikaren Aldeko Plataformako Gabriel Ocinak. Urte batzuetan, Arte Eszenikoen Goi Mailako Eskolaren izena Eszenika izateko asmoa egon zen, eta horren arrastoa du oraindik plataformak.
“Bilera asko egin dugu aurten Jaurlaritzarekin, eta azkenik maiatzean adostu genuen Uriartek jende aurrean adierazitakoa”, esan du Ocinak. Eskola lekurik onenean egongo ez dela gaineratu du plataformako bozeramaileak, baina onartu du gaur egungo krisi egoeran ezin zutela espero eraikin bat hutsetik egitea.
“Oraindik ez dugu ikusi zer nolako moldaketak beharko dituen lekuak, baina nolanahi ere esan dezakegu txikia dela. Ea zenbaterako den”, gehitu du Ocinak. Cristina Uriartek esan duenez, Jaurlaritzak zentroaren kokapen aldaketa aztertuko luke “testuingurua aldatuko balitz”. Oraingoz, 24 ikaslerentzako tokia eta 510.000 euroko aurrekontua izango ditu Arte Eszenikoen Eskolak. Curriculuma ere prestatzen ari dira, bestak beste Eszenikaren Aldeko Plataformako zenbait kideren parte hartzeaz.
Gabriel Ocinarekin elkarrizketa ARGIAn (2014-3-26):
Aspaldi ez bezala hunkitu nintzen Bloñ lehen aldiz ikustean. Bizi osorako ahots bakarra entzun ahalko banu kantuan, zalantzarik gabe, Maia Iribarnerena litzateke. Obretan ari dira etxe barnean eta inguruko zuhaitzen itzalpean jarri ditugu aulkiak, parez pare. Mintzatu... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Queer falafel
Non: Arberatze-Zilhekoan, EHZ festibalean.
Noiz: ekainaren 29an.
------------------------------------------------------
Hasi orduko, ohar bi. Bat: “Deseroso egongo zara apur batean, isildu eta entzun. Asko ikasiko duzu zure pribilegio... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
"2000. urteko San Joan egunez, aspaldiko urteko jende multzorik handiena bildu zen Andoaingo Goikoplazan, hamabiak jotzearekin batera dantzarako prest. Lehenengo aldiz gizon eta emakumez osatuta zegoen axeri-dantzarien taldea zen". Hitz horiekin ireki zuen "Emakumeak... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.