Arrautza bana Arantxa Tapia eta Eduardo Zubiaurrerentzako
Bost egunen buruan zintzo eta argi mintzatu ziren Eusko Jaurlaritzako Ekonomiaren Garapen, Jasangarritasun eta Ingurumeneko sailburu Arantxa Tapia eta Confebaskeko buru Eduardo Zubiaurre: “Edo langile gutxiago geratzen da edo guztiak geratzen dira enpresarentzat kostu txikiagoarekin”, esan zuen Zubiaurrek; soldatak jaitsi behar dira “langileen formakuntzan diru gehiago inbertitzeko”, Tapiak. Eta haiek jaitsiko balute soldata formakuntza pixka bat jasotzeko? Zehazki, enpatia landu dezaten, arrautzaren zaintzaren teknikaren bidez.
Emakumeei edota seme-alabei tratu txarrak ematen dizkieten gizonekin lan egiten zuen psikologo baten testua irakurri nuen aspaldi. Gizon horien ezaugarri komunetako bat –homofobiaz edo eredu hipermaskulinizatuez gain, besteak beste– enpatia eza zela zioen. Hainbesteraino, ezen asko ez ziren ohartu ere egiten egurtzen zituzten izaki horiei sufriarazi egiten zietela. Hainbesteraino, ezen, ia hutsetik hasi beharra zegoen ‘bestearen azalean’ jartzeko gaitasuna gara zezaten: ohiko ariketa zen erasotzaileari arrautza bat ematea zaintzan, apurtu ez zekion mandatua emanez. Ardurak sentipentsamendu berriak sortzea zen helburua: “Zer behar du ‘besteak’?”, “hauskorra da eta apurtu daiteke”, “zaindu behar dut”...
Tapia eta Zubiaurreren (etengabeko) adierazpenek gaiztakeria baino enpatizatzeko gaitasun eza adierazten ote duten nago –langileekin enpatizatzeko gaitasun eza; merkatuaren, porlanaren edo enpresarien azalean jartzeko erraztasuna bai baitaukate–. Kontuan izanik zenbat pertsonen bizitzen gainean hartzen dituzten erabakiak eta zer garai bizi ditugun, mereziko luke ariketan inbertitzeak.
Agian ez da beharrezkoa, pentsatzekoa baita Idoia Mendiak, sozialista, Lan eta Enpleguko sailburu eta lehendakari orde boteretsu izaki, ez duela baimenduko langileen aurkako politikarik Jaurlaritzan, neoliberalak estu hartuko dituela. Baina kontuz, ezustean Olaizola-Urruti-Altuna-Ezkurdia laukoteak hartu baitiezaioke aurrea lan gatazka guztien betiereko konponbidean, “eurek gidatuko duten” elkarte berria sortuz eta langile, sindikalista eta grebalari orori 48 ordu emanez beren magalera batzeko. Eskerrak lerratu gabeko langileak ere badiren, esango luke Bingen Zupiriak. Jokin Bildarratzekin eta Paulo Coelhorekin bat nator: ozpinkeria gutxiago, irribarre eta proposamen eraikitzaile gehiago; pankarta eta greba gutxiago, arrautza(kada) bana Tapia eta Zubiaurrerentzako.
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
231.000 panel jarriko dituzte, Arabako hego-mendebaldeko ehun hektareatan zehar: Armiñonen. EUskal Herriko bigarren eguzki parke handiena izango da.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Maiatzaren 22an EAEko Legebiltzarrak mila milioi euro zorpetzeko lege proiektua onartu du “zientzian, teknologian, enpresan eta industria sektorean eragiteko”. Naiz hedabideak jakitera eman duenez, Eusko Jaurlaritzak KPMG Asesores SL enpresari eskatu dio plana... [+]
Donostiako Parte Zaharreko maizter batek 11 hilabeterako alokairu kontratua bost urterako legezko kontratu bihurtzea lortu du.
Washingtonen Israelek duen enbaxadako bi langile tiroz hilda agertu eta gero egin ditu adierazpenak Netanyahuk. Israelgo Gobernuak zuzenean lotu ditu Washingtongo erasoak eta Europako zenbait gobernuburuk Gazako sarraskiaren aurka egindako adierazpenak.
Maiatzaren 21ean bidali diote gutuna Elisabeth Borne Frantziako Hezkuntza ministroari Ipar Euskal Herriko sei parlamentariek. Dagoen ikasle kopurua ikusita, ikastoletarako aurreikusi dituzten lanpostuak "aise gutxiegi" direla deitoratzen dute gutunean. Kexua adierazteko... [+]
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Mireia Centeno Gutierrez psikopedagogoak haurren elikaduraren inguruko zenbait gako eman ditu; hala nola jatera behartzeak eta jakiak debekatzeak dituen ondorioak aipatu ditu.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.