Maiatzaren 7an (asteartea) egingo dugu azterketa, goizeko 11:0etan, bi lekutan:

• ARGIAren egoitzan, Lasarte-Orian, Zirkuitu Ibilbidea, industrialdeko 15. pabilioian.
• EHUko Leioako campusean, Gizarte eta Komunikazio Zientzien Fakultateko 43. gelan.

Etorri behar baduzu, bidali e-mail bat praktikak@argia.eus helbidera eta adierazi bi lekuetako zeinetan egingo duzun azterketa. Azterketara curriculuma ekarri, mesedez.

Praktikaldiak lau hilabeteko iraupena du eta hiru sasoi daude aukeran:

2019ko ekainaren 1etik 2019ko irailaren 28ra.

2019ko urriaren 1etik 2020ko urtarrilaren 31ra.

2020ko otsailaren 1etik 2020ko maiatzaren 31ra.

Lau orduko lanaldia izango da.

Kazetaritzako, Ikus-entzunezko Komunikazioko eta Giza Zientziak eta Komunikazioko ikasleei zuzendutako deialdia da. Nahitaezkoa izango da praktikak egin bitartean unibertsitatean izena emanda egotea.

Animatu eta batu ARGIAren komunikazio proiektu independentera.