Argentinako justiziak bertan behera utzi du Mileiren lan erreforma

  • Argentinako Lanaren Apelazioen Ganberak behin-behinean atzera bota du Argentinako presidenteren lan-erreforma, CGT Lanaren Konfederazio Orokorra sindikatuaren salaketari esker.


2024ko urtarrilaren 05an - 10:12
Argazkia: Fotomovimiento (CC BY-NC-ND 2.0)

Argentinako presidente hautatu berriak, Javier Mileik, lehen oztopoa aurkitu du Argentinako justiziarekin; Argentinako Lan Apelazioen Ganbera Nazionalak atzera bota baitu asteazkenean, premiazko dekretuaren lan erreforma. Abenduaren 20an iragarri zuen Mileik neurria, eta handik bederatzi egunera sartu zen indarrean. Astebete baino gutxiago egin du lan erreformak indarrean. Andrea Garcia Vior eta Alejandro Suadera epaileek atzera bota dute Mileik onartutakoa.

Mileik boterea hartu bezain laster, sektore publikoan murrizketak egin, ministerioak gutxitu, enpresa publikoak pribatizatu, eta babes sozialerako hainbat lege bertan behera utzi ditu. Horietako asko abenduaren 20an aurkeztutako 70/2023 dekretuaren bitartez egin ditu. Proposatutako lan erreformak, besteak beste, lan-epaiketetan aldaketak egitea, enpresetan probaldiak luzatzea, kotizazioak gutxitzea, eta haurdunaldi baimenak murriztea dakartza.

Erreformaren aurkako protestak
Zenbait sindikatu, aditu zein milaka herritarrek gogor kritikatu dituzte Mileiren neurriak: Argentinako sindikatu nagusi CGT erreformaren eta 70/2023 dekretuaren aurka mobilizatu zen Mileik lehen adierazpenak egin zituenean. Dozenaka mobilizazio jendetsu egin dira herrialdean eta zenbaitetan kaleak moztu dituzte manifestariek.


Kanal honetatik interesatuko zaizu: Argentina
2024-05-17 | Gedar
Argentinarren ia %60 daude pobrezia-atalasearen azpitik

Azken hiru hilabeteetan %8 igo da tasa: 3,5 milioi pertsona gehiago daude pobreziaren mugaren azpitik. Mileiren neurriak txalotu ditu Nazioarteko Diru Funtsak, langileen pobretzea handitzen den bitartean.


Materialismo histerikoa
Espantua

Ez du irabaziko, erotuta dago, esaten ari dena ez da posible. Edonork ikusten du ez dagoela estatu bat gobernatzeko prestatuta. Teoriko bat da, ez dauka errealitatearen kontzientziarik. Feminismoak emandako pausoak atzeraezinak dira, herritarrek ez dute onartuko zenbait eskubide... [+]


"Shock" bat beharrezkoa dela adierazi du Mileik presidente kargua hartzeko ekitaldian

Argentinako presidente kargua hartu du Javier Mileik igandean. Bere hitzaldian adierazi du "aldaketa erradikal" bat izango dela herrialdean.


2023-12-04 | Leire Artola Arin
Argentinako Mileiren gobernu berria: neonaziak, diktaduraren zuritzaileak eta familia

Abenduaren 10ean hartuko du Argentinako presidente kargua Javier Milei ultraeskuindarrak, eta hautatu dituen gobernukideak zeresana ematen ari dira: Rodolfo Barra estatuko abokatuen buru izango da, iragan nazia duena; Patricia Bullrich, Segurtasun ministro; María Eleanora... [+]


Eguneraketa berriak daude