Elena Iruretak jaso zuen Zinemira sari nagusia, bere ibilbidearen aitortza gisa. Horrez gain, Edurne Azkarate saritu zuen Euskal Aktoreen Batasunak, Irati filmean egindako lanagatik, eta Bultzada saria jaso; Paul Urkijok ere jaso zuen garaikurra, Euskadiko Zinema Aretoen Elkarteak emanda, pelikula horren arrakastagatik; Euskal Gidoigileen Elkarteak, berriz, Michel Gaztambide eta Victor Erice saritu zituen; eta, azkenik, Victor Iriartek jaso zuen Egile Berriak saria.

Galaren aurretik, Victoria Eugeniako alfonbra gorria gurutzatu zuten hainbat aurpegi ezagunek. Saridunez gain, besteak beste ondorengo hauek egon ziren: Izaro kantaria, Jon Olivares, Amaia Aberasturi eta Lander Otaola aktoreak, Aitor Arregi zine zuzendaria eta Pau Echaniz, Miren Lazkano eta Alex Txikon kirolariak.

Dani Blancoren argazkiak (ARGIA - CC-BY-SA):