“Aralarko pistek atzeraezinezko kalte larria eragingo lukete ingurumenean”
2002an aurkeztutako txostena berretsi eta Aralarko parkean egin nahi diren bideen eraikuntza bertan behera uzteko eskatu du berriz ere Aranzadi Zientzia Elkarteak. EHNE eta ENBA nekazari sindikatuek kritikatu egin dute Aranzadiren jarrera.
Pistak eraikitzeak natura eta gizakiaren arteko oreka suntsituko lukeela azaldu du elkarteak urtarrilaren 13an, Gipuzkoako Batzar Nagusietako Ingurumen eta Obra Hidraulikoetako Batzordean. Eraiki nahi den proiektua ondare naturala babesteko gomendatzen diren ildoen aurkakoa dela esan du Juantxo Agirre Aranzadi elkarteko idazkari nagusiak. Izan ere, Natura 2000 Sarearen barruko Kontserbazio Gune Berezia izendatu zuten 2016an Aralarreko Natur Parkea.
Zehazki, hogei kilometroko luzera izan dezaketen pistak eraikitzeko proposamena onartu dute Gipuzkoako Aldundiak eta Enirio-Aralar Mankomunitateak. Instituzio horien asmoa da Aralarren aritzen diren artzainek txaboletara irismen hobea izatea.
Aranzadik azaldu duenez, Gipuzkoan dagoen ur-erreserba nagusia da Aralar. Ondare naturala babesteko eta errespetatzeko eskatu du elkarteak, eta aurreikusten diren pistek ekarri dezaketen ingurugiroarekiko galeraz ohartzeko. Bere iritziz, “pisten eraikuntza alde batera utzi eta hausnarketa sakona egin behar da”, betiere erakunde publiko guztien parte hartzearekin eta gizarte eragileekin elkarlanean: artzainak, abeltzainak, mendizaleak, biologoak, naturazaleak eta turismo bulegoak, besteak beste.
2002an Eusko Legebiltzarrean aurkeztutako proposamena berretsi du elkarteak. Orduan azaldu zuenez, nazioarteko araudietan gomendatzen da natur parkeetan kilometro koadroko 0,6 kilometro pista egotea, eta Aralarren 1,1 kilometro daude: “Artzaintzarekiko oso sentsibilizaturik gaude, indusketak egin eta haren sorrera ere ikertu dugu. Eta, aldiz, gauden-gaudenean, pistek Aralar urbanizatuko dute. Natur parkea eta orain arte ezagutzen genuen oreka hautsiko dute”.
"Aranzadik onartezina den alarmismoa piztu du"
EHNE eta ENBA nekazal sindikatuen ustez, "Aranzadiren agerraldian datu okerrak, gezurrak eta oinarri zientifikorik gabeko iritziak, uste subjektiboak eta argumenturik gabeko balorazioak plazaratu ziren". Hori dela eta, azaldu dute ez dutela ulertzen Aranzadik izan dezakeen motibazioa, "erabat orkestratutako eszenografia honetan parte hartzeko". Elkarteari koherentzia eskatu, eta Enirio-Aralarko Mankomunitateak onartu eta Batzar Nagusiek babestutako 2015-2019rako Inbertsio Plangintza errespetatzea nahi luketela adierazi dute.
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Adimen artifizialarekin garatutako tresna bat da IA-Speak. Bi erabilera nagusi izanen ditu: mintzamena itzultzen duen gailu bat eta erabiltzaileen mintzamena aztertzen duen plataforma bat.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Fitxa: Musika Hamabostaldia. Victoria Eugenia Zikloa. Mitsuko Uchida (pianoa).
Egitaraua: Beethovenen hiru azken sonatak.
Lekua: Donostiako Victoria Eugenia Antzokia.
Data: abuztuaren 18a.
Mitsuko Uchidak Musika Hamabostaldia bisitatzen duen hirugarren aldia da. Bere estiloak... [+]