Ustez EIrekin lotura duten pertsonen helbideak argitaratu dituzte Twitterrek bertan behera utzi ditzan, The Independent egunkariak zabaldu duenez. Charlie Hebdoren erasoen ostean abiatu zituen hacker taldeak EIren aurkako erasoak. Estatu Islamikoa oso aktiboa da gaur egun Facebook, Twitter, Youtube eta Instagramen.

Interneten zabaldutako bideo batean, Anonymusek gerra egingo diotela adierazi zuen: “Zuen aurka inoiz egin den operazio handiena jarriko dugu martxan”. Taldearen leloa errepikatu zuen: “Ez dugu ez ahaztuko ezta barkatuko”.