Amesten duguna gorpuztuz
"Joan ziren urteak lau urtaro zituen garaiak, uda eta negua geratu zaizkigu soilik", ohartarazten digute lurrari lotuta bizi diren gizakiek. "Mendeetan pilatutakoa segundotan xahutu duzue, ekozida handiustekoak", aurpegiratzen digu lurrak. "Gero eta gosetuago nago", kexatzen dira gure patrikak. "Eta gerra hau, eta etorriko direnak, inperioen arteko lehiagatik?", oihukatzen dute Errusia eta Ukrainako hildakoek. "Europa lorategia da eta munduaren gainerakoa oihana", dio Europako diplomazia buru Borrellek, mediterraneoko hobi komunetik kilometro batzutara. "Imponer el vascuence es discriminatorio", leporatzen digute harro epaile eta politikari elebakarrek herritar halabeharrez elebidunoi. "Feminismoa gizonen aurkako ideologia da", dio alfa arrak potroak mahai gainean jarrita; eta "abortatzea bekatu", gaurko fetuen biharko bortxatzaileak. "Estatuz gaindiko botereek eta neoliberalismoak sortutako miseria kudeatzera kondenatuta nago", zintzotzen da legebiltzarra. "Handian amesteko eta agendan eragiteko gure gaitasuna oso mugatua da", esaten diogu elkarri herri mugimenduetako kideok.
Hori guztia onartzen, normaltzen jarraitu dezakegu, salbazio indibidualaren ameskerian sakontzen. Baina gu sinetsita gaude mundu hau bizigarri egingo dugula herri iraultzei esker, eta hori herri mugimenduen eta herrigintzaren bultzadarekin izango dela, edo ez dela izango. Ez gaur garenetik, badakigu, baina bai egunero eraikiz bihar izango garenetik: herri mugimendu indartsuak, auzo, herri, eskualde zein Euskal Herri mailan eragiteko gaitasuna dutenak, beren arteko elkarlana eta artikulazioa koipeztatuta dutenak. Hori bultzatuko duten guneen garrantzia aldarrikatu du Iraultza Txikien Akanpadak, ITAk, lehen ediziotik, eta herri iraultzak hauspotzen jarraituko dugu hirugarren honetan.
Sinetsita gaude mundu hau bizigarri egingo dugula herri iraultzei esker, eta hori herri mugimenduen eta herrigintzaren bultzadarekin izango dela
Estreinako ITA 2018an egin zen, Gipuzkoako Zubietan. Ondorengoko balorazio baikorrean erabaki zen bi urtean behin antolatzea akanpada, eta bakoitzean toki berri batean. Pandemiak urtebetez atzeratu zuen bigarren edizioa, baina 2021ean Artea eta Basoako lagunek hartu zuten lekukoa Bizkaian. 2023 honetan Arabako Izarran antolatu dugu hirugarrenez herri mugimenduen, militanteen eta herrigintzan sinesten dutenen topalekua. Edizio guztietan tokian tokiko eragile eta lagunek hartu dute antolaketaren zama nagusia, bakoitzean aurreko ITAn parte hartu duten zenbait pertsonaren transmisio lanak lagunduta.
Amesten duguna gorpuztu nahi dugu Izarran uztailaren 19tik 23ra, ohi bezala bertaratzen garen guztion artean aterako dugu aurrera akanpada. Txikitik eragiteko eta handitzeko erremintak zorroztu nahi ditugu. Elkar ezagutu eta zaindu nahi dugu, baina gordin eta konfiantzaz eztabaidatu ere bai. Elkarrengandik ikasi eta desikasi nahi dugu. Eraldaketen motorra kalean sustraitutako herrigintza eta herri mugimenduak direla aldarrikatuko dugu.
Ez gatoz denbora pasa, gure eragiteko gaitasuna handitzea dugu helburu. Galderak beti bezain ezinbestekoak dira, baina garaiotan inoiz baino gehiago behar ditugu erantzunak ere. Nola eragin, nondik, nola artikulatu elkarren artean, nola uztartu txikia eta handia, nola unean unekoa eta begirada estrategikoa, nola egin bidea gaurko amesgaiztotik biharko herri iraultzetara. Konfiantza emango diguten erantzunak behar ditugu, beti auzitan egongo direnak baina helduleku sendo sentituko ditugunak. Hitzez ere osatutako erantzunak, baina batez ere desio iraultzailez, borrokarako grinez, antolakuntzaz, proiektu eta egitura sendoez gorpuztutakoak. Helduleku kolektibo sendoen faltan, beldur, gerra eta ziurgabetasun garai honi indibidualki eta eskuinerago eginez erantzuten jarraituko dugu; helduleku horiek eraikiz gero, herri iraultzen hazi izan daitezke. Hauspotu ditzagun.
Iraultza Txikien Akanpadako antolatzaileak
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]