Gogoeta sortzeko helburua du fanzineak. Horretarako, lau orrialdetan "kultur ekitaldien berri emateko, obra artistikoak zabaltzeko edo edonori hitza hartzeko” aukera eskaintzen du. Sortzaileek anonimotasuna mantendu nahi dute eta hori bermatzeko, modu berezian hedatuko da aldizkaria. Liburutegiek eta mediatekek jasoko dute publikazioa eta norberak inprimatu beharko du.

Taberna edo dendek ere aldizkaria jaso nahi badute aleak emailez bidaliko zaizkiela ere jakinarazi dute egitasmoaren sustatzaileek.

Lehen alean, Hazparneko Hazketa hondakindegiaz mintzo da Amatxi fanzinea kazeta.eus-en arabera.