Gorbeialdeko makroproiektu energetikoen aurkako milaka helegite aurkeztu dituzte Jaurlaritzan
Zigoitian 100 hektareako parke fotovoltaikoa eraiki nahi du Solariak, eta eskualdea gurutzatuko luke oso goi tentsioko linea batek ere. Urkabustaiz, Zigoitia eta Zuiako bizilagunek herritarren 5.540 helegite aurkeztu dituzte ingurua “mehatxatzen duten proiektuak gelditzeko asmoz". Multinazionalak beste bi parke fotovoltaiko eraikitzeko baimenak aurkeztu ditu Arabako beste eskualde batzuetan.
Urkabustaiz Babestuz, Zuia Bidean eta Zigoitia Bai herri plataformek Arabako Gorbeialdea “mehatxatzen duten proiektuak gelditzeko asmoz” lan egiten ari dira. Hori dela eta, astelehenean, uztailaren 8an, alegazioak aurkeztu dituzte Arabako Foru Aldundian Solaria multinazionalaren proiektuaren aurka. “Milaka alegazio herrikoi jaso ditugu, argi eta garbi uzten dutenak gure herrietako nekazaritza-lurretan eguzki makro proiektu eta goi-tentsioko sareei aurrez aurreko aurkakotasuna”, azaldu dute Raul Ruiz de Azua zigoitiarrak eta Mati Iturralde zuiarrak, bozeramaile gisa.
Herri elkarteek adierazi dute hainbat arlotan adituak diren pertsonek “txostenak eta peritajeak” egin dituztela, proiektuek haien herrien “aberastasun naturala modu atzeraezinean suntsituko luketela agerian uzten" dutenak. Ekainaren 21ean proiektuaren aurka egindako lehenbiziko agerraldian, Gorbeialdea “altxor naturala” dela aldarrikatu zuten Arabako Gorbeialdeako eragile, bizilagun eta ordezkari politikoek. Erakundeei “Araba osoko bizitza, natura eta bizimodua babestu behar dutela” adierazi zieten, “enpresa handien interes ekonomikoen eta haien xantaia saiakera lotsagabeen gainetik”.
Proiektuak Araba osoan
Solaria enpresak parke fotovoltaiko gehiago eraikitzeko proiektuak aurkeztu ditu Araban. Zierbena Solar 2, 3 eta 4 proiektuek hiru parke fotovoltaiko eta goi tentsioko linea bat eraikitzea aurreikusten dute. Parke fotovoltaiko bakoitza 100 hektareatik gorakoa litzateke, eta goi tentsio lineak Araba gurutzatuko luke hegoaldetik iparraldera, herrialde horretan sortutako elektrizitatea Bizkaiko Zierbenara eramateko. Gorbeialdeko bizilagunek “trantsizio energetiko justua” nahi dutela azpimarratu dute, “benetan krisi klimatikoa geldiarazteko balioko duena” eta haien onurarako “beste herrialde batzuk ustiatu gabe”.
Iragan astean Gasteizko kontzejuek aurkeztu zituzten helegiteak proiektu horien aurka, eta Lurra Sareak salatu du Solaria iruzur egiten ari dela administrazioan baimena lortu nahian, besteak beste proiektua zatikatuta aurkeztua eta ez makroproiektu bakar gisa. Nekazari eta lur-jabe txikiek enpresaren "presioak" edo "xantaia" salatu dute, lurrak saldu edo alokatzea lortzeko helburuarekin.
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Ustekabean edo... urte hasiera honetan bi mila milioitik gorako irabaziak izan omen ditu Iberdrolak, baina ez omen dago txapliguak, altxafuegoak, etxaferuak... edo dena delakoak zeruetara botatzeko egoeran, izan ere, iaz aldi berean baino %27 gutxiago irabazi omen du. Atalen... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Energia politikek haserreak eta desadostasun sakonak sortu dituzte ekologisten artean. Ez da gauza berririk. Hemen eta atzerrian. Hemen eta orain, nabarmen. Duela bi urte, 2023ko udaberrian, gure ikerketa taldeak (ekopol.eus) hiru mahai-inguru antolatu zituen Donostian,... [+]
Zurea ez da ekologia, zurea ideologia da!”. Espainiako oposizio buruaren hitzak dituzue, oraingoan itzalaldia aitzakia hartuta. Zer den ideologia hitza desitxuratzea; trantsizio energetikoa edota energia politika, hitzak dioen moduan, politika hutsa delako. Kapitalismoaren... [+]
Iberiar penintsulan apirilaren 28an gertatutako itzalaldiak, egungo energia sistemak dituen arrakala guztiak utzi zituen bistan. Enpresa elektriko handien diru gosea, berriztagarrien ezarpen masiboak dakartzan ajeak, eta herritarrok bizimodu hiper-elektrifikatuarekiko dugun... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Gero eta nabarmenagoa da Espainiako Estatuak ez duela planifikazio demokratikorik energiaren arloan. Duela gutxi jasan dugun itzalaldia adibide garbia da, baina ez da bakarra. Energia berriztagarrien kontrolik gabeko eta lurralde askotan gehiegizko hedapena da beste adibide... [+]
Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]
Red Eléctrica de Españak zibererasoaren aukera erabat baztertu du, eta bi instalazio fotovoltaikoetan jarri du begirada. “Operadore pribatuei erantzukizunak eskatuko dizkiegu eta berriro ez gertatzeko beharrezko neurriak aktibatuko ditugu”, adierazi du... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Egunak argitzerako itzuli da argindarra ia-ia leku guztietara. Euskal Herrian baino atzeratuago egin du Espainiako Estatuko lekurik gehienetan, baita Portugalen ere. Normaltasun itxura gaur Euskal Herrian, baina goizeko lehen orduan ez dira funtzionatzen ari aldirietako trenak... [+]
Gaueko 21:00etarako, Araba, Bizkaia eta Gipuzkoako %85era itzuli da hornidura energetikoa, eta Nafarroan, berriz, %50era. Egoera okerragoa bizi dute Espainian eta Portugalen: hurrenez hurren, argindarra lurraldearen %25era eta %10era iritsi da.
Sare elektrikoa erabat erori da... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]