Emakumeak borrokan

"Aldaketa gutxi" EAJren eta PSOEren erreforma proposamenetan

  • EAJren eta PSOEren eskariz, Espainiako Kongresuak erreformatu egingo du Mozal Legea. PPk iragarri du ez dagoela ados erreformarekin, baina negoziatzeko prest dagoela, eta gertuago dagoela EAJren proposamenetik PSOErenetik baino. Hemen No Somos Delito plataformatik erreformaz egindako irakurketa.

Xabier Letona @xletona
2017ko martxoaren 22a
Mozal Legearen aurkako protesta Madrilen. (Arg.: Diagonal)

No somos delito plataforma Espainiako Estatu osoko 100 taldetik gora elkarte eta erakundek osatzen dute eta Mozal Legearen aurkako borrokaren aitzindaria da estatuan. Kezka agertu dute PSOE eta EAJ saiatzen ari direlako estatuko herritarren %80k arbuiatzen duen Mozal Legea aldatzen, “baina funtsean ezer aldatu gabe eta, gainera, herritarren segurtasunari buruzko eztabaida sakona saihestuz”, diote mugimendutik. Ondorengo lerroetan, bi alderdi horiek erreformarako prestatutako testuetan mugimendu honek ikusten dituen alde txarrak azaltzen dira.

Haien ustez, PSOEren proposamenak Mozal Legearen eta Corcuera Legearen (1992) txarrena biltzen du, kontzeptu juridiko zehazgabeak eta orokorregiak erabiliz, eta herritarra defentsarik barik utziz. EAJri dagokionez, plataformaren esanetan, greba eskubidea eta atzerritarren eskubideak zabaltzeaz mintzo da azalpenetan, baina ondoren ez ditu kontzeptuok garatzen artikulatuan.

Polizien esana froga da

“Herritarren segurtasunaz EAJk duen ikuspegia oso kezkagarria da: maila berean jartzen ditu oinarrizko eskubideen babesa eta ondasunena. Haien idatzian, eremu publikoa ‘erabilera eta gozamen publikorako’ esparrua da, eta ez eskubideak bizitzeko espazioa. PSOEk eta PPk ikuskera bera dute, eta herritarren segurtasuna ordena publikoaren mantenuarekin nahasten dute”.

Polizien jardunari buruz, bi alderdiek eskubideak berme handiagoarekin babesteko aukera galtzen dute herritarrei dokumentazioa eskatzerako unea arautzeko proposamenetan, horrela kontrol diskriminatzaileak saihesteko aukera galduz. Bien proposamenetan Mozal Legearen oinarrietako bati eusten zaio: polizien esanak froga gisa balioa duela. Horrekin, praktikan, defentsarako eskubidea galtzen da.

Mozal Legean diren lau arau-hauste oso larrietatik hiru mantentzen dira EAJren proposamenean; zazpi arau-hauste larrietatik zazpiak; eta hamazazpi arau-hauste arinetatik hamar. Azken hauen artean da poliziekiko ‘errespetu falta’, legea indarrean jarri zenetik funtsik gabeko milaka isun ekarri duena. PSOEk lautik hamaikara gehitzen ditu arau-hauste oso larriak; arinetan sei mantentzen ditu eta beste bost gehitu.

Manifestazio eta bilkura eskubideari dagokionez, PSOEren proposamenak oso murriztaileak jarraitzen dute izaten. EAJren testuan ateak irekitzen zaizkie baimen gabeko bilkura bapatekoei, baina beti ere larrialdiko kasuei erantzunez. No Somos Delitokoek gogor kritikatzen dute EAJren testuan inmigranteen kanporatze berehalakoak mantentzea, hau da, gobernuak hala erabakitzen duelako: “Hori txirotasunaren kriminalizazioa da”.

Hobekuntzak

Hobekuntzak ere badira proposamenetan, “baina gutxi”, diote elkartetik, hainbat kasutan PSOEk isunak txikitzen ditu. Aldaketa esanguratsuena hoberako EAJrena da, hainbat kasutarako isunak ezabatzea proposatzen baitu, esaterako, segurtasun indarren argazki ez baimenduak argitaratzeagatik, Kongresua eta Senatuko aurreko bilkurak egiteagatik edota kalea oztopatzeagatik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Mozal legearen mehatxua

Mozal legearen mehatxua kanaletik interesatuko zaizu...
Hala Bedik Mozal Legearen auzia irabazi dio Eusko Jaurlaritzari

Mikel Saez Buruaga kazetariak Ertzaintzari eta Eusko Jaurlaritzaren segurtasun sailari irabazi die epaitegietan, Hala Bedik informatu duenez. Cristina Ruiz Oteiza epaileak Mozal Legea erabiliz jarri zioten isuna bertan behera eta eraginik gabe utzi du. Hala Bediko kazetariari telefono mugikorra apurtu eta 602 euroko isuna jarri zioten Errekaleor auzo autogestionatuan argindarra moztu nahian Ertzaintza egiten ari zen operazio baten berri ematen ari zela. Irrati libreko kideek epaitegietara jo... [+]


2019-04-02 | Z. Oleaga
Mikel Saenz de Buruaga, Hala Bediko kazetaria, epaitegien aurrean
"Jokoan ez dago gure kasua, guztion eskubideak eta kazetarion lanerako eskubidea baizik"

Bi urte luzeren ostean, eta Hala Bedik ordaintzeari uko egin ostean, heldu da azkenik Mikel Saenz de Buruaga kazetariaren aurkako epaiketa. Jende andana bildu da astearte goizean Gasteizko epaitegietan, irrati libreak deituta, kazetariari eta bere jardunari babesa adierazteko. “Mozalik ez. Kazetaritza ez da delitua” zioen pankarta eraman dute elkarretaratzera.


2019-04-02 | Hala Bedi
Iritsi da Mozal Legea baliatuz Ertzaintzak zigortutako lehen kazetariaren kontrako epaiketa

Gertaeretatik ia bi urte pasa direnean eta bide administratibotik zigorra konfirmatu zenetik urtebete igaro denean, asteartean, apirilaren 2an, Mikel Sáenz de Buruaga Hala Bediko kazetariaren kontrako epaiketa burutuko da. 2017ko maiatzean Gasteizko Errekaleor auzoan jazotako polizia-operazioa grabatzeagatik Herritarren Segurtasunerako Legea aplikatu zioten Ertzaintzak eta Eusko Jaurlaritzak. Mozal Legea aplikatuta, Jaurlaritzak zigortutako lehen kazetaria da. Egun berean 11.30ean... [+]


2019-03-29 | ARGIA
Ertzaintzak Mozal Legeaz zigortutako lehen kazetariaren epaiketa apirilaren 2an izango da

Hala Bedi irratiko Mikel Saenz de Buruaga kazetariari "Herritarren Segurtasun Legea" (Mozal Legea izenez ezaguna) aplikatu zioten Ertzaintzak eta Eusko Jaurlaritzak, 2017ko maiatzean Errekaleorren polizia operazioa grabatu izanagatik. Alegazioetarako bide administratibo guztiak agortu ostean, Hala Bedik 2018ko apirilean iragarri zuen auzitegitara joko zuela, "informatzeko eskubideari eginiko erasoa delako". Apirilaren 2an izango da epaiketa, eta Hala Bedik elkarretaratzea... [+]


2019-03-26 | ARGIA
Errepresioa eta protesta sozialen kriminalizazioa jo-puntu, Bilbon burutuko diren jardunaldietan

Martxoaren 29tik 31ra bitartean Bilbon egingo diren “Errepresioaren eta protesta sozialen kriminalizazioaren kontrako jardunaldiak” aurkeztu dituzte asteartean.


2019-03-03 | Axier Lopez
Lander Arbelaitz Mitxelena
"Kazetaritzan garai zailak datozela dirudi"

2018ko maiatzaren 21ean, Donostiako kaleetan, ARGIAko kazetari Lander Arbelaitzek hizkuntza eskubide urraketa baten berri eman izana “iraintzat” jo dute bi ertzain erdaldunek. Ertzaintzak barkamena eskatu du egun horretan gaizki jokatzeagatik eta ARGIAk euskaltzale eta kazetarien babesa jaso du egindako lanagatik. Halere, martxoaren 20an, berriro ere, hedabide batek kazetaritzaren eta informazio askatasunaren defentsa egin beharko du epaitegietan.


2019-02-28 | ARGIA
Errepresioaren eta gizarte-protestaren kriminalizazioaren kontrako jardunaldiak Bilbon

Herritarren kriminalizazioaren aurkako plataformak antolatuta, martxoaren 29tik 31ra bitartean egingo dira jardunaldiak, Santutxuko Karmela Bizirik gune autogestionatuan.


2019-02-27 | ARGIA
Fined for Graffiti against Romantic Love

Accused of painting graffiti against romantic love on the evening before February 14th in Donostia (Basque Country), three young people have been punished under the Gag Law.  As well as complaining about how they were treated by the police, they have told Basque magazine ARGIA that they are not going to pay the fine. “The Gag Law, the police's attitude and other things which are happening are unacceptable. Which is why these people are going to refuse to pay the fine as an act of... [+]


2019-02-19 | ARGIA
Maitasun erromantikoaren aurkako pintaketak egitea egotzita hiru pertsona Mozal legeaz zigortu dituzte

Otsailaren 14aren bezperan maitasun erromantikoaren aurka Donostian pintaketa batzuk egitea egotzita Mozal Legeaz zigortu dituzte hiru gazte. Poliziaren tratua salatzeaz gain, ez dutela isuna ordainduko adierazi dute ARGIAra bidalitako oharrean. "Mozal legea, poliziaren jarrera eta ekintzak onartezinak dira. Horregatik, pertsona hauek uko egingo diote isuna ordaintzeari, desobedientzia moduan eta estatu zapaltzailearekin inondik inora ez kolaboratzeko".


Azkenak
EGILEA
Eguneraketa berriak daude