Asteazken honetan Martuteneko espetxean sartu zuten Aitor Esnaola Legorretako presoa, Auzitegi Nazionaleko Espetxe Zaintzako Epaitegi Zentralak hirugarren gradua kendu ondoren. Urriaren 31n, halaber, hirugarren graduan zegoen Mikel San Argimiro donostiarra ere Martutenera itzularazi zuten.
Aitor Esnaolak hamaika urte eta erdi daramatza preso eta iragan maiatzean eman zioten hirugarren gradua, Iñaki Bilbao, Gorka Martinez eta Gorka Lupiañezekin batera. Urriaren 14an, halaber, Xabier Atristrain bueltarazi zuten Martutenera hirugarren gradu kendu ondoren. Oraindik kasu berean diren hainbat presoren espetxeratzea gertatu liteke, Auzitegi Nazionalak hirugarren graduan dauden beste zazpi presoren gainean erabaki behar du eta datozen egun eta asteetan.
Kasu hauek guztietan betetzen dira baldintzak presoak hirugarren graduan egon daitezen, eta denetan presoak diren espetxeetako tratamendu juntek erabaki dute gradu hori ematea. Ondoren Eusko Jaurlaritzako Justizia Sailak juntek erabakitzen dutena berretsi egiten du.
Auzitegi Nazionaleko Espetxe Zaintzako fiskaltzak, ordea, ez ditu onartzen gradu aldaketa horiek eta helegiteak jartzen ari da etengabe, eta Auzitegi Nazionala bat egiten ari da politika horrekin. Jarrera horiek ez dira ohikoak espetxean, normalean epaileek onartu egiten baitute espetxe juntek hartutako erabakiak.
Oztopoak ez dira bakarrik gertatzen hirugarren graduarekin, eta Auzitegi Nazionaletik helegiteak jartzen dizkie euskal preso politikoei tratamendu juntek emandako bestelako baimenei ere –ohikoan egunetako irteera baimenak–. Une honetan, horietako 120 bat baimeni helegitea jarri die Auzitegi Nazionalak. 2021eko irailean Eusko Jaurlaritzak espetxe eskumenak eskuratu zituenetik 457 presori eman die hirugarren gradua –horietatik 25 preso politikoak– hori delakoan gizarteratzeko sistemarik onena, Europan ere frogatzen ari diren moduan.
Bingen Zupiria Eusko Jaurlaritzako eledunak egunotako espetxeratzeen harira esandakoaren arabera, Jaurlaritzak orain arteko politikarekin jarraituko du, espetxe juntak irizpide teknikoz erabakitakoa berresten. Erreportaje honetan azaltzen da, besteak beste, zein prozesu behar izan den baimenen egoerara iristeko eta egun zein arazo dauden.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.