Aitatasun baimena zortzi astetara igotzea erabaki du Espainiako Gobernuak
Aitatasun baimena bost astetik zortzi astetara igozeko lege-dekretua onartu du Espainiako Gobernuak. Hurrengo urteetan progresiboki igotzeko asmoa dute amatasun baimenarekin berdindu arte: 2019an 8 aste, 2020an 12 aste eta 2021an 16 aste.
Espainiako Ministro kontseiluak ostiralean onartu du aitatasun baimenaren epea igotzea lege-dekretu baten bitartez. Lan munduan "gizon eta emakumeen arteko berdinatasuna bermatzeko" hainbat neurriren artean, aitatasun baimena 2019an zortzi astetara igotzea erabaki dute.
Eztabaida
Jaio eta lehenengo 6 asteetan derrigorrez hartu beharko du baimena aitak. Hau da, ezingo du amaren baimenaren ostean hasi eta eztabaida sortu du horrek: "Tranpa bat da, ama zaintzailearen eta aita laguntzailearen rolak indartzen dituelako. Ezin dituzu bikoteak behartu baimena batera hartzera, batzuek nahiago dutelako umearen zaintza lehenengo batek eta gero besteak egin, umea eskolaratu aurreko epea ahalik eta gehien luzatzeko", diote Jaiotze eta Adopzio Baimen Berdinen Aldeko Plataformatik. Espainiako Gobernuak argudiatu du ama osatzen den bitartean, aita etxeko lanez eta jardun burokratikoez arduratzea dela neurriaren xedea.
Hauteskunde giro bete-betean eta Emakumeen Nazioarteko Egunaren atarian, onartu du lege-dekretua Sanchezen gobernuak. Aitatasun eta amatasun baimenak berdintzeko neurri hau indarrean sartuko da Estatuko Aldizkari Ofizialean argitaratzen denean. Eta horren ostean, Espainiako Kongresuak berretsi beharko du.
Gizarte Segurantzak baimendutako hamasei asteen laguntza osagarri gisa planteatu du Eusko Jaurlaritzak bi asteko luzapena. 2019tik sektore publikoko langileek baimena eskuratzeko aukera dute.
Uztailaren 31tik aurrera eskatu daiteke laguntza ekonomikoa, bai telematikoki bai aurrez-aurre, oinarrizko gizarte zerbitzuaren edo dagokion auzoko unitateen bidez.
Gizon ez-heterosexualen aitatasun desira ikertu du Borja Muñoz Arrastia sexologoak. Familia nuklearraren eredu hertsia errepikatu baino, umeak hazteko alternatiba komunitarioak sendotzea aldarrikatu du EHGAMeko kideak.
Urtarrilaren 1etik aurrera, ama ez den beste gurasoaren baimena 16 astera luzatzeko legea sartuko da indarrean Espainiako Estatuan, baina erakunde ugarik salatu du laguntzaile izaera baino ez zaiola aitortzen aitari.