Espainiako estatua salatuko du Europan Ahotsa.info-k Mozal Legeagatik

  • Espainiako Estatuaren aurkako salaketa ipiniko du Ahotsak Giza Eskubideen Europako Auzitegian, informazio eskubidea bortxatu duelakoan. “Defender a quien defiende” kazetari eta epaile taldeak jarriko du demanda, eta horrekin bat egingo du Ahotsaren editorea den Mintza kultur elkarteak.

Eñaut Agirrebengoa Apaolaza @eagirrebeng
2015eko abenduaren 14a
Espainiako Gobernuak Nafarroan duen ordezkaritzatik jasotako “mehatxuengatik” egingo du bat salaketarekin Ahotsak. (Arg: Carlos Delgado)

Salaketa aurkeztuko duen plataformak azpimarratu du Mozal Legeak Eskubide Zibil eta Politikoen Nazioarteko Ituna eta Europako Giza Eskubideen Ituna urratzen dituela. Demandaren bitartez auzia “hauteskunde eztabaidaren erdian kokatzea” eta “alderdiak bustitzea” bilatzen dute. Gobernuak “bortxaturiko” adierazpen, iritzi, informazio, manifestazio eta biltzeko askatasuna babestu eta defendatzea dute helburu.

Espainiako Gobernuak Nafarroan duen ordezkaritzatik jasotako “mehatxuengatik” egingo du bat salaketarekin Ahotsak. Iraila amaieran Carmen Alba ordezkariak gutun bat bidali zion hedabideari. Jakinarazi zien Sanferminetan publikaturiko albiste batean agenteen irudiak erakusteagatik Espainiako Poliziak salatu zituela, eta gogorarazi zer zigor dakartzan Poliziaren irudi edo datuak “baimenik gabe” erabiltzeak.   

Hemen Mozal Legearen inguruan Ahotsak eginiko bideoa: 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Mozal legearen mehatxua

Mozal legearen mehatxua kanaletik interesatuko zaizu...
2018-11-30 | ARGIA
Prentsaurreko batengatik Mozal Legeaz zigortu dituztela eta ez dutela ordainduko jakinarazi du Bizitza Da Handienak

Munduko Turismo Erakundeak Donostian egin zuen bilkuraren atarian, herri mugimendu eta hainbat sindikatuko kideek Ertzaintzak erabilitako bortizkeria salatu zuten prentsaurre bidez. Bada, Eusko Jaurlaritzako Segurtasun Sailak Mozal Legea aplikatu die hizlariei. Zigortuek prentsara bidalitako ohar batean adierazi dutenez, akusazioa "gezurretan oinarrituta" dago eta ez dute ordainduko.


2018-11-14 | ARGIA
Mozal Legea ezarri diote LAB sindikatuari, lan heriotzak salatzeko ekintza batengatik

  300 euroko isuna jarri dio Espainiako Gobernuak, 2018ko apirilaren 27an Nafarroako Lan Ikuskaritza sinbolikoki okupatzeagatik.


2018-11-13 | Arrosa Sarea
"Mozal Legea ezartzen digutenean publikoki salatzea oso garrantzitsua da"

Mozal Legeak hiru urte daramatza indarrean, eta aurreko astean jakin genuen 1,2 milioi euro bildu dituztela EAEn. Eleak Mugimenduko kide den Maialen Begiristain gonbidatu dute Arrosa Irrati Sare-ko kideek kopuru horiek suposatzen dutenaz hausnartzeko. Gainera, Gasteizko eta Iruñeko parlamentuetara Mozal Legearen aurka posizionatzeko eskaera ere eraman dutela azaldu du Begiristainek.


Ezkilak jotzearen isuna atzera botatzeko eskatu diote Altsasu Faxismoaren Kontrakoek Gobernuari

Mozal Legearen aurka azaldu zen gobernuak orain legea aplikatu nahi izatea salatu dute Altsasu Faxismoaren Kontra ekimeneko kideek. “Koherentzia” eskatu diote Nafarroako Gobernuari, eta faxismoaren aurkako borrokarekin jarraituko dutela ere jakinarazi dute.


Milioi bat euro baino gehiago ordaindu dute EAEko herritarrek Mozal Legearen ondorioz

2015. urtean indarrren sartu zen Mozal Legea Espainiako Estatuan, eta 2016an Eusko Legebiltzarrak legea ez aplikatzeko hautua egin zuen arren, aplikazioa zabala izan du Hego Euskal Herrian. Hala Bedi irratiak argitaratu duen informazioaren arabera, EAEko herritarrek 1.286.974,64 euro ordaindu dituzte isunetan.


Maravillas auziko epaileak dio kasua ez zela bide penaletik eraman behar

Epaileak kasua artxibatzearen arrazoia esplikatu du asteartean publiko egin duen idatzi baten bidez. Isunak iritsi daitezke auziarekin lotuta, baina ez dirudi atxiloketarik izango denik.


2018-06-29 | Nahia Ibarzabal
"Muralak zentsuratu badituzue ere, mezu askatzaileak zabaltzen jarraituko dugu Sopelan"

Sopelako mural politikoen topaketan egindako muralak zentsuratu dituztela eta, zenbait kolektibok zentsura salatzeko protestara deitu dute larunbatean 20:00etan Sopelako Sanpedro txosnagunean.


2018-06-29 | Nahia Ibarzabal
"Mozal Legearen indargabetzea eskatzeko unea da"

Mozal Legearen aurkako enkartelada ibiltaria antolatu du Eleak-libre mugimenduak beste hogei eragilerekin batera. Larunbatean 19:00etan irtengo da Donostiako Bulebarretik.


Isun berria jaso dut

Isuna jaso berri duzu etxean. Beste isun bat, bakardadea, inpotentzia, ezjakintasuna ...  Bat-batean gogora etorri zaizu duela hilabete batzuk zure eskubide zibil eta politikoan praktikan jartzeagatik, protesta batean parte hartzeagatik, kalea hartzeagatik ...  gertatutakoa. Armatutako polizia gerturatu zen zu identifikatzera. Poilizia, Mozal Legearen bidez epaile bihurtutako polizia. Segurtasunaren izenean isuna jarri zizun, eta gaurkoan iritsi zaizu.


2018-06-04 | ARGIA
Aiuri Antiespezistak eta Eleak-Librek salatu dute
"Mozal Legea aplikatu digute eta gure borroka nahiak piztea besterik ez dute lortu"

Aiuri Antiespezistako militanteek, Eleak-Librerekin batera, prentsaurrekoa eskaini dute Ermuko plazan ostiral arratsaldean, erresistentzia pasiboa erabiltzeagatik Mozal Legea aplikatu dietela salatzeko. San Tomas egunean Donostian Ursula txerriaren erakusketa galarazten saiatuz, Askekintzak antolatutako ekintzan parte hartu zuten Aiuriko hiru kidek zigorra jaso dute.


Azkenak
EGILEA
Eguneraketa berriak daude